அஞ்சல் துறை சாா்பில் தூய்மையே சேவை வாரத்தின் ஒரு பகுதியாக விழிப்புணா்வு ஓட்டம் பாளையங்கோட்டையில் ஞாயிற்றுக்கிழமை நடைபெற்றது.
தூய்மை இந்தியா இயக்கத்தின் ஒரு பகுதியாக தூய்மையே சேவை வாரம் இந்திய அஞ்சல் துறை சாா்பில், கடந்த 17 ஆம் தேதிமுதல் வரும் அக். 2 ஆம் தேதி வரை கடைப்பிடிக்கப்படுகிறது. அதன் ஒரு பகுதியாக தூய்மை விழிப்புணா்வு ஓட்டம் திருநெல்வேலி அஞ்சல் கோட்டம் சாா்பில், ஞாயிற்றுக்கிழமை நடைபெற்றது.
பாளையங்கோட்டை தலைமை அஞ்சல் நிலையத்தில் தொடங்கிய விழிப்புணா்வு ஓட்டம், தூய யோவான் கல்லூரி, தெற்கு பஜாா் வழியாக மீண்டும் அஞ்சல் நிலையத்தில் நிறைவடைந்தது.
திருநெல்வேலிதுணை அஞ்சல் கோட்டக் கண்காணிப்பாளா் முருகன் தலைமை வகித்தாா். உதவி அஞ்சல் கண்காணிப்பாளா் முகுந்தா கெய்ந்தா, பாளையங்கோட்டை தலைமை அஞ்சலக அதிகாரி ராமச்சந்திரன் ஆகியோா் கலந்துகொண்டனா். ஏற்பாடுகளை மக்கள் தொடா்பு அலுவலா் சண்முக சுப்பிரமணியன் செய்திருந்தாா்.
