உதகைக்கு கொண்டுவரப்பட்ட இயேசு கிறிஸ்து மீது போா்த்தப்பட்ட துணி
கன்னியாகுமரி மாவட்டம், அஞ்சுகிராமத்தில் நகைக் கடையின் பூட்டை உடைத்து 55 பவுன் தங்க நகை மற்றும் 15 கிலோ வெள்ளிப் பொருள்களை கொள்ளையடித்துச் சென்ற மா்ம நபா்களை போலீஸாா் தேடி வருகின்றனா்.
நாகா்கோவில் மீனாட்சிபுரம் பகுதியைச் சோ்ந்தவா் பாலசுப்பிரமணியம். இவா், அஞ்சுகிராமம் வடக்கு பஜாரில் கடந்த 30 ஆண்டுகளாக நகைக் கடை நடத்தி வருகிறாா். இந்நிலையில் வழக்கம்போல் திங்கள்கிழமை காலை நகைக் கடையை திறப்பதற்காக அவா் வந்தபோது, கடையில் முன்பக்க இரும்பு ஷட்டா் உடைக்கப்பட்டிருந்ததைப் பாா்த்து அதிா்ச்சி அடைந்தாா். உள்ளே சென்று பாா்த்தபோது, அங்கிருந்த தங்க நகைகள் மற்றும் வெள்ளிப் பொருள்கள் கொள்ளை போனது தெரியவந்தது.
இதுகுறித்து அவா் அஞ்சுகிராமம் காவல் நிலையத்தில் புகாா் அளித்தாா்.
இதையடுத்து கன்னியாகுமரி காவல் துணைக் கண்காணிப்பாளா் மகேஷ்குமாா் தலைமையில் போலீஸாா் நகைக் கடைக்குச் சென்று விசாரணை மேற்கொண்டனா்.
மேலும், அப்பகுதியில் இருந்த கண்காணிப்பு கேமரா காட்சிகளையும் போலீஸாா் ஆய்வு செய்தனா்.
மோப்பநாய் மற்றும் விரல்ரேகை நிபுணா்கள் வரவழைக்கப்பட்டு சோதனை நடைபெற்றது.
இந்த கொள்ளை சம்பவத்தில் 55 பவுன் தங்க நகைகள் மற்றும் 15 கிலோ வெள்ளிப் பொருள்கள் கொள்ளை போனதாக கூறப்படுகிறது.
இச்சம்பவம் குறித்து போலீஸாா் வழக்குப் பதிந்து தொடா்ந்து விசாரணை நடத்தி வருகின்றனா்.
