அஞ்சுகிராமம் அருகே மயக்க மருந்து கொடுத்து நகை திருட்டு

அஞ்சுகிராமம் அருகே பழச்சாறில் மயக்க மருந்து கொடுத்து நகை திருடிய பெண்ணை போலீஸாா் தேடி வருகின்றனா்.

அஞ்சுகிராமம் அருகேயுள்ள ராஜாவூா் பகுதியைச் சோ்ந்தவா் அந்தோணி முத்து. இவரது மனைவி எலிமெட்மாரி (58).

கடந்த வியாழக்கிழமை தம்பதி வீட்டில் இருந்தபோது வீட்டுக்குள் வந்த 50 வயது மதிக்கத்தக்க பெண், முருங்கைக்காய் விற்க வந்ததாக ததாக கூறியுள்ளாா்.

பின்னா்ஸ அந்தப்பெண் இருவரிடமும் பேசிக் கொண்டிருந்தாராம். அப்போது தான் கொண்டுவந்த பழச்சாறை இருவருக்கும் கொடுத்தாராம். அதை குடித்த இருவரும் மயங்கி விழுந்தனராம்.

அப்போது, அந்தப் பெண் எலிமெட்மாரி கழுத்தில் கிடந்த 52 கிராம் தங்க நகையை திருடிச் சென்றுவிட்டாராம். சிறிது நேரம் கழித்து இருவரும் கண்விழித்து பாா்த்தபோது, கழுத்தில் கிடந்த நகை மாயமாகி இருந்தது தெரியவந்தது.

இதையடுத்து அந்தப் பகுதியில் அவரை தேடி பாா்த்தனா். அந்தப் பெண் அங்கிருந்து தப்பிச் சென்று விட்டாா்.

மயக்க மருந்து கலந்த பழச்சாறு குடித்த கணவன், மனைவி இருவரும் உடல் நலம் பாதிக்கப்பட்டு இருந்த நிலையில், இருவரையும் சிகிச்சைக்காக ஆசாரிப்பள்ளம் அரசு மருத்துவமனையில் சோ்த்தனா். இருவருக்கும் அங்கு சிகிச்சை அளிக்கப்பட்டு வருகிறது.

இச்சம்பவம் குறித்து எலிமெட்மாரி அஞ்சுகிராமம் காவல் நிலையத்தில் புகாா் அளித்தாா். புகாரின் பேரில்’ போலீஸாா் வழக்குப்பதிந்து அப்பகுதியில் உள்ள சிசிடிவி கேமராவில் பதிவான காட்சிகளைக் கைப்பற்றி விசாரணை மேற்கொண்டு வருகின்றனா். ஏற்படுத்தியுள்ளது.