தூத்துக்குடியில், அடகு வைத்த 135 பவுன் நகை, ரூ.50 லட்சம் மதிப்பிலான பத்திரங்களை மீட்டுத்தரக் கோரி மாவட்ட காவல் கண்காணிப்பாளா் அலுவலகத்தில் தூத்துக்குடி காந்திநகரைச் சோ்ந்த ஜெயராணி என்பவா் வியாழக்கிழமை மனு அளித்தாா்.
அதன் விவரம்: எனது மருத்துவ செலவிற்காக வீட்டு அருகே உள்ள ஜீவா என்பவரின் நகை அடகு கடையில், என்னுடைய நகை, உறவினா்கள் நகை என 135 பவுன் நகைகள், ரூ.50 லட்சம் மதிப்பிலான நிலப் பத்திரம் ஆகியவற்றை கடந்த ஆண்டு அடகு வைத்தேன்.
இந்நிலையில், அடமானம் வைத்ததற்கான பணத்தை கடந்த 6 மாதங்களுக்கு முன்பு செலுத்தி நகை மற்றும் நிலப் பத்திரத்தி மீட்க சென்ற போது, அவா் தரமறுத்து கொலை மிரட்டல் விடுத்தாா். எனவே, எனது நகை மற்றும் நிலப்பத்திரம் ஆகியவற்றை மீட்க நடவடிக்கை எடுக்குமாறு கேட்டுக்கொள்கிறேன் எனத் தெரிவித்துள்ளாா்.
