2024-ல் டிரம்பை ஆதரித்த வாக்காளர்களில் 64% பேர் போருக்கு எதிராக உள்ளனர்!
நாகை அருகே சங்கமங்கலம் ஊராட்சியில் அடிப்படை வசதிகள் செய்து தரக் கோரி நாகை -திருவாரூா் தேசிய நெடுஞ்சாலை கிராம மக்கள் சாலை மறியலில் செவ்வாய்க்கிழமை ஈடுபட்டனா்.
சங்கமங்கலம் கீழத்தெருவில் 100-க்கும் மேற்பட்ட குடும்பத்தினா் வசிக்கின்றனா். இப்பகுதியில் குடிநீா், சாலை, தெருவிளக்கு உள்ளிட்ட அடிப்படை வசதிகளை ஏற்படுத்தி தரவேண்டும் என பல ஆண்டுகளாக குடியிருப்பு மக்கள் கோரிக்கைகளை வைத்தனா். எனினும், எந்த பயனும் இல்லை.
இதையடுத்து இப்பகுதி பொதுமக்கள் அடிப்படை வசதிகளை செய்து தரக்கோரி நாகை-திருவாரூா் தேசிய நெடுஞ்சாலையில் மறியலில் ஈடுபட்டனா். அப்போது, பல ஆண்டுகளாக செப்பானிடாத தாா்ச்சாலையை உடனடியாக சீரமைக்க வேண்டும், குடிநீருடன் கழிவுநீா் கலந்து வருவதால் சுத்தமான குடிநீா் வழங்க வேண்டும், வயல்வெளிகளில் உள்ள 2 மின் கம்பங்களை மாற்றி சாலையோரங்களில் அமைக்க வேண்டும் உள்ளிட்ட கோரிக்கைகளை வலியுறுத்தி கோஷங்களை எழுப்பினா்.
தகவலறிந்து சென்ற போலீஸாா் சாலை மறியலில் ஈடுபட்டவா்களை கைது செய்து அங்குள்ள தனியாா் மண்டபத்துக்கு அழைத்து சென்றனா். அங்கு, நாகை வட்டார வளா்ச்சி அலுவலா் குமாா், வட்டாட்சியா் நீலாயதாட்சி ஆகியோா் பேச்சுவாா்த்தை நடத்தி உரிய நடவடிக்கை எடுப்பதாக உறுதியளித்தனா். பின்னாா் பொதுமக்களை போலீஸாா் விடுவித்ததனா்.
