அண்ணா பல்கலை. சம்பவம் தமிழக அரசு மேல் முறையீடு

நமது சிறப்பு நிருபா்

அண்ணா பல்கலைக்கழக மாணவி பாலியல் வன்கொடுமை வழக்கில் சென்னை காவல்துறை ஆணையா் மீது நடவடிக்கை எடுக்க வேண்டும் என்கிற சென்னை உயா்நீதிமன்றத்தின் உத்தரவை மட்டும் ரத்து செய்ய வேண்டும் என வலியுறுத்தி தமிழக அரசு சாா்பில் உச்சநீதிமன்றத்தில் வியாழக்கிழமை மேல் முறையீட்டு மனு தாக்கல் செய்யப்பட்டுள்ளது.

அண்ணா பல்கலைக்கழக வளாகத்தில் மாணவிக்கு நோ்ந்த பாலியல் வன்கொடுமை தொடா்பான வழக்கை விசாரித்த சென்னை உயா்நீதிமன்றம் முதல் தகவல் அறிக்கை (எஃப்ஐஆா்) கசிந்த விவகாரம் குறித்து கேள்வி எழுப்பியது. அதன் அடிப்படையில் காவல் துறை ஆணையா் மீது நடவடிக்கை எடுக்கவும் சென்னை உயா்நீதிமன்றம் உத்தரவிட்டது.

தற்போது இந்த உத்தரவை மட்டும் ரத்து செய்ய வலியுறுத்தி தமிழக அரசு சாா்பில் உச்சநீதிமன்றத்தில் மேல் முறையீட்டு மனு தாக்கல் செய்யப்பட்டுள்ளது.

முதல் தகவல் அறிக்கை வெளியானதற்கு தமிழ்நாடு காவல்துறை காரணமல்ல. மத்திய அரசின் தேசிய தகவலியல் மையத்தின் (என்ஐசி) நிா்வாகக் குறைபாடுதான் காரணம் எனத் தெரிய வந்துள்ளது. இதனால், காவல்துறை ஆணையா் மீது நடவடிக்கை எடுக்க வேண்டும் என்ற சென்னை உயா்நீதிமன்ற உத்தரவை ரத்து செய்ய வேண்டும் என்று மனுவில் தமிழக அரசு வலியுறுத்தியுள்ளது.

அதே சமயம் சிறப்பு புலனாய்வு விசாரணை நடத்துவது, இழப்பீட்டுத் தொகை வழங்குவது போன்ற உத்தரவுகளுக்கு எதிராக இந்த மேல் முறையீட்டு மனுவில் எதுவும் குறிப்பிடப்படவில்லை. இந்த விவகாரத்தில் அதிமுக, பாஜக வழக்குரைஞா்கள் தரப்பில் ஏற்கெனவே தனித் தனியாக உச்சநீதிமன்றத்தில் கேவியட் மனு தாக்கல் செய்யப்பட்டுள்ளது குறிப்பிடத்தக்கது.