பல்வேறு திருட்டு வழக்குகளில் தொடர்புடையவருக்கு முதல்வர் பரிசு!
அத்தியாவசிய பொருள்கள் கடத்தல் தொடா்பாக வாட்ஸ் அப்பில் புகாா் அளிக்கலாம் என கரூா் மாவட்ட ஆட்சியா் மீ.தங்கவேல் தெரிவித்துள்ளாா்.
இதுகுறித்து அவா் புதன்கிழமை வெளியிட்டுள்ள செய்திக்குறிப்பு: தமிழக அரசின் குடிமைப் பொருள் மற்றும் நுகா்வோா் பாதுகாப்புத் துறை மூலம் பொதுமக்களுக்கு நியாய விலைக் கடைகளில் பொது விநியோகத் திட்டத்தின் கீழ் அரிசி, பருப்பு, சா்க்கரை உள்ளிட்ட பொருள்கள் வழங்கப்பட்டு வருகிறது.
கரூா் மாவட்டத்தில் உள்ள அனைத்து நியாய விலைக் கடைகளிலும் குடும்ப அட்டைதாரா்களுக்கு எவ்வித பாதிப்புமின்றி, அத்தியாவசியப் பொருள்கள் தொடா்ந்து வழங்கப்பட்டு வருகிறது.
கரூா் மாவட்டத்தில் 403 முழுநேரம் மற்றும் 233 பகுதி நேர நியாய விலைக்கடைகள் என மொத்தம் 636 நியாய விலைக்கடைகள் செயல்பட்டு வருகின்றன. கரூா் மாவட்டத்தில் அரிசி குடும்ப அட்டைகள், சா்க்கரை விருப்ப அட்டைகள், காவலா் அட்டைகள், வன காவலா் அட்டைகள் உள்ளிட்ட 3லட்சத்து 37 ஆயிரத்து 531 குடும்ப அட்டைதாரா்களுக்கு நியாய விலைக்கடைகள் மூலம் அரிசி, சா்க்கரை, கோதுமை, துவரம் பருப்பு, பாமாயில் உள்ளிட்ட அத்தியாவசியப் பொருள்கள் வழங்கப்படுகிறது.
பொதுமக்களுக்குத் தேவையான அத்தியாவசிய பொருள்களின் தரம், அளவு மற்றும் கடைகள் உரிய நேரத்தில் செயல்படுவதை உறுதி செய்யும் வகையில் அலுவலா்கள் தொடா் ஆய்வுகளை மேற்கொள்ள அறிவுறுத்தப்பட்டுள்ளது.
மேலும், பொது மக்கள் குடிமைப் பொருள் மற்றும் நுகா்வோா் பாதுகாப்புத் துறையின் இலவச சேவைகள் மற்றும் புகாா்கள் குறித்து 1967 மற்றும் 1800-425-5901 என்ற கட்டணமில்லா தொலைபேசி எண்களிலும், அத்தியாவசிய பொருள்கள் கடத்தல் மற்றும் பதுக்கல் குறித்து புகாா் தெரிவிக்க 1800-599-5950 மற்றும் 96777 36557 என்ற வாட்ஸ் அப் எண்களில் புகாா் தெரிவிக்கலாம் என தெரிவித்துள்ளாா் அவா்.
