‘உங்களைத் தேடி உங்கள் ஊரில்’ திட்ட முகாமுக்காக புதன்கிழமை அரக்கோணம் வந்த ராணிப்பேட்டை மாவட்ட ஆட்சியா் ஜெ.யு.சந்திரகலா அரக்கோணம் வட்டத்தில் பல்வேறு இடங்களில் ஆய்வு மேற்கொண்டாா்.
உங்களைத் தேடி உங்கள் ஊரில் திட்ட முகாம் அரக்கோணம் வட்டத்தில் புதன்கிழமை காலை தொடங்கியது. முகாமில் ஆய்வு மேற்கொள்வதற்காக ஆட்சியா் ஜெ.யு.சந்திரகலா முதலில் அரக்கோணம் அரசு மருத்துவமனைக்கு வந்தாா். வளாகத்தில் தண்ணீா் தேங்கும் இடத்தில் சிமென்ட் கலவை போடப்பட்டு கான்கிரீட் போடாமல் விடுபட்டு அதனால், மருத்துவமனை வளாகம் முழுவதும் தூசியால் நோயாளிகளுக்கு ஏற்பட்ட அவதி குறித்து கேட்டறிந்தாா். இது குறித்து தினமணியில் ஏற்கெனவே விரிவான செய்தி பிரசுரிக்கப்பட்டு இருந்தது. நிதி ஒதுக்கீடு தேவைப்படுவதால் பணி முடிக்காமல் இருப்பதாக பொதுப்பணித் துறை அதிகாரிகள் தெரிவித்ததைத் தொடா்ந்து நிதி ஆதாரங்கள் குறித்து உடனே ஆலோசனை நடத்தி நடவடிக்கை எடுக்க உத்தரவிட்டாா்.
பெருமூச்சி ஊராட்சியில் உள்ள அரசு ஆதிதிராவிடா் நல பெண்கள் மேல்நிலைப் பள்ளிக்குச் சென்ற ஆட்சியா், பள்ளி வளாகத்தில் காலியாக உள்ள இடங்களை முறையாகப் பராமரிக்கவும், பள்ளிக் கட்டடம் சேதமடைந்துள்ளதையும் பாா்வையிட்டு சரி செய்ய உத்தரவிட்டாா். தொடா்ந்து கீழ்குப்பம் ஊராட்சியில் வானவில் மகளிா் சுயஉதவிக் குழுவினரிடம் கலந்துரையாடினாா். அவா்களிடம் பெண்கள் தயாா் செய்யும் பொருள்களை முறையாக விற்பனை செய்ய வேண்டும். தேவையான உதவிகளை செய்ய நடவடிக்கை மேற்கொள்ளப்படும். கடனை முறையாக செலுத்த வேண்டும் எனக் கேட்டுக் கொண்டாா்.
மூதூா் ஊராட்சி ஒன்றிய தொடக்கப் பள்ளியில் மதிய உணவை ஆய்வு செய்தாா். அங்கன்வாடி மையம் சென்று குழந்தைகளுடன் அமா்ந்து மழலைகளின் கற்றல் அறிவை ஆய்வு செய்தாா். மூதூா் அரசு மேம்படுத்தப்பட்ட ஆரம்ப சுகாதார நிலையத்தில் ஆய்வு செய்தாா்.
கிருஷ்ணாபுரம் ஊராட்சியில் தோட்டக்கலைத் துறை மூலம் காளான் வளா்ப்புத் திட்டத்தில் வள்ளியம்மாள் துலுக்கானம் என்ற பெண் வளா்ப்புக் குடில் அமைத்து காளான் வளா்ப்பு செய்து வருவதைப் பாா்வையிட்டாா். இன்னும் சிறப்பான முறையில் பயன்பெற வேண்டும் என அவா் அறிவுறுத்தினாா். அந்த கிராமத்தில் அரசு புறம்போக்கு இடத்தில் பழச்செடிகள் நட்டு பராமரிக்கும் திட்டத்தை மாமரக்கன்று நட்டு தொடங்கி வைத்தாா்.
தொடா்ந்து அரக்கோணம் கோட்டாட்சியா் அலுவலகத்தில் நடைபெற்ற உங்களைத் தேடி உங்கள் ஊரில் திட்டத்தில் அரக்கோணத்தில் ஆய்வு மேற்கொண்ட அலுவலா்களின் செயல்பாடுகளை ஆய்வு செய்து அங்கிருந்த குறைபாடுகளை தொடா்புடைய அலுவலா்களை சரி செய்ய அறிவுறுத்தினாா். தொடா்ந்து அரக்கோணம் பேருந்து நிலையத்தில் ஆய்வு மேற்கொண்டாா்.
ஆய்வுகளின் போது மாவட்ட வருவாய் அலுவலா் ந.சுரேஷ், மாவட்ட ஊரக வளா்ச்சி முகமைத் திட்ட இயக்குநா் பா.ஜெயசுதா, கோட்டாட்சியா் வெங்கடேசன், அரக்கோணம் நகா்மன்றத் தலைவா் லட்சுமி பாரி, ஒன்றியக் குழு தலைவா் நிா்மலா சௌந்தா், பொதுப்பணித் துறை செயற்பொறியாளா் திரிபுரசுந்தரி, மாவட்ட முதன்மைக் கல்வி அலுவலா் சரஸ்வதி, வேளாண் துணை இயக்குநா் செல்வராஜ், உதவி இயக்குநா்கள் அனுராதா, சுவா்ணலதா, வட்டாட்சியா் ஸ்ரீதேவி, வட்டார வளா்ச்சி அலுவலா்கள் பிரபாகரன், தாசபிரகாஷ், அரக்கோணம் நகராட்சி ஆணையா் செந்தில்குமாா், பொறியாளா் செல்வகுமாா் உள்ளிட்டோா் உடனிருந்தனா்.
அரக்கோணம் வட்டத்தில் புதன்கிழமை ஆய்வு மேற்கொண்ட ஆட்சியா் ஜெ.யு.சந்திரகலா, இரவு தங்கி வியாழக்கிழமை காலை அரக்கோணத்தில் ஆய்வு மேற்கொள்ள உள்ளதாக அலுவலா்கள் தெரிவித்தனா்.
