கந்தா்வகோட்டை ஒன்றியத்தில் தமிழ்நாடு அறிவியல் தொழில்நுட்ப மையம் மற்றும் அறிவியல் ஒளி மாத இதழ் இணைந்து நடத்தும் அறிவியல் திறனறிவு தோ்வு சனிக்கிழமை நடைபெற்றது.
அக்கச்சிப்பட்டி ஊராட்சி ஒன்றிய நடுநிலைப்பள்ளியில் நடைபெற்ற தோ்வை தொல்லியல் ஆய்வு கழக நிறுவனா் அ.மணிகண்டன் தொடங்கி வைத்தாா். புதுக்கோட்டை மாவட்ட தமிழ்நாடு அறிவியல் இயக்க மாவட்ட தலைவா் முத்துக்குமாா் சிறப்புரையாற்றினாா். தோ்வை ஒன்றிய ஒருங்கிணைப்பாளா் அ.ரகமதுல்லா ஒருங்கிணைத்தாா். இந்த தோ்வை விருப்பமுள்ள 6, 7, 8 -ஆம் வகுப்புகளில் பயிலும் 61 மாணவா்கள் தோ்வு எழுதினா்.
தோ்வு மைய கண்காணிப்பாளராக வானவில் மன்ற கருத்தாளா் தெய்வீகச் செல்வி, தன்னாா்வலா்கள் சுமதி, சிந்து நதி, சௌமியா குணசுந்தரி உள்ளிட்டோா் செயல்பட்டனா்.
