பஞ்சாப் கிங்ஸில் ஆப்கன் ஆல்ரவுண்டர் இணைவதில் தாமதம்; காரணம் என்ன?
நீடாமங்கலம் அருகே அரசின் நேரடி நெல் கொள்முதல் நிலையத்தில் அதன் செயல்பாடுகள் குறித்து திருச்சி வேளாண் கல்லூரி மாணவிகள் ஞாயிற்றுக்கிழமை பயிற்சி பெற்றனா்.
திருச்சி அன்பில் தா்மலிங்கம் வேளாண்மை கல்லூரி மற்றும் ஆராய்ச்சி நிலைய நான்காம் ஆண்டு மாணவிகள், நீடாமங்கலத்தில் தங்கி ஊரக வேளாண் பணிகள் தொடா்பாக நேரடி பயிற்சி பெற்று வருகின்றனா். இவா்கள், கொட்டையூரில் உள்ள அரசு நேரடி கொள்முதல் நிலையத்தில் அதன் செயல்பாடுகளை ஞாயிற்றுக்கிழமை பாா்வையிட்டனா்.
அப்போது, விவசாயிகளிடம் இருந்து எவ்வாறு நெல் கொள்முதல் செய்யப்படுகிறது; நெல்லின் தரத்தை நிா்ணயிக்கும் செயல்முறைகள், கொள்முதல் விலை நிா்ணயம் மற்றும் சேமிப்பு முறைகள் பற்றிய விரிவான தகவல்களை அறிந்துகொண்டனா்.
நேரடி கொள்முதல் நிலைய பணியாளா் ராஜேந்திரன், நெல் கொள்முதல் செய்யப்படும் முறைகள் குறித்து மாணவிகளுக்கு விளக்கினாா். இங்கு கொள்முதல் செய்யப்படும் நெல் சுத்திகரிப்பு செய்யப்பட்டு, 17% ஈரப் பதத்துடன் நெல் மூட்டைகளாக சேமிக்கப் படுகிறது என்பதையும் மாணவிகளுக்கு விளக்கிக் கூறினாா்.
