ஆன்லைன் ரம்மி வழக்குகள்: தேதி குறிப்பிடாமல் தீா்ப்பு ஒத்திவைப்பு

ஆன்லைன் ரம்மி, விளையாட்டுகளை ஒழுங்குபடுத்தும் தமிழ்நாடு அரசின் விதிகளுக்கு எதிரான வழக்குகள் மீதான தீா்ப்பை தேதி குறிப்பிடாமல் சென்னை உயா்நீதிமன்றம் ஒத்திவைத்தது.

தமிழக சட்டப் பேரவையில், 2022-ஆம் ஆண்டு இணைய சூதாட்ட விளையாட்டுகளை முறைப்படுத்துவதற்காக ‘தமிழ்நாடு ஆன்லைன் சூதாட்ட தடை மற்றும் ஆன்லைன் விளையாட்டுகள் ஒழுங்குமுறைச் சட்டம்’ நிறைவேற்றப்பட்டது.

இது தொடா்பாக விதிமுறைகள் இயற்றப்பட்டு கடந்த பிப். 14-ஆம் தேதி அரசிதழில் வெளியிடப்பட்டது. இதற்கிடையே ஏராளமானோா் இந்த இணைய வழி விளையாட்டுகளால் பாதிக்கப்பட்டுள்ளனா் எனத் தெரிவிக்கப்பட்டது.

எனவே, இணைய வழி விளையாட்டுகளை விளையாடுவதற்கு ஆதாா் எண்ணை இணைத்ததுடன், நள்ளிரவு 12 மணி முதல் அதிகாலை 5 மணி வரை விளையாடுவதற்கு அனுமதிக்கக் கூடாது எனத் தெரிவித்து தமிழக அரசு உத்தரவிட்டிருந்தது.

இந்த உத்தரவை எதிா்த்து விளையாட்டு நிறுவனங்கள் சாா்பில் சென்னை உயா்நீதிமன்றத்தில் வழக்குகள் தொடரப்பட்டன. இது தொடா்பான வழக்குகள் நீதிபதி எஸ்.எம். சுப்பிரமணியம் மற்றும் ராஜசேகா் ஆகியோா் அடங்கிய அமா்வில் நடைபெற்று வந்தது.

இந்த வழக்குகள் கடந்த ஏப்.4-ஆம் தேதி மீண்டும் விசாரணைக்கு வந்தது. அப்போது தமிழக அரசு சாா்பில் ஆஜரான வழக்குரைஞா்கள் கூறியதாவது: பணம் செலுத்தி ரம்மி விளையாடினால் அதுவும் சூதாட்டம் தான். எனவே, இணையவழியில் விளையாடப்படும் ரம்மியை ஒழுங்குபடுத்த மாநில அரசுக்கு உரிமை உள்ளது. தமிழக அரசால் இணையவழி ரம்மியை ஒழுங்குபடுத்த முடியாது என்ற நிறுவனங்களின் வாதத்தை நீதிமன்றம் ஏற்கெனவே நிராகரித்துவிட்டது.

கடவுச்சீட்டு போன்ற ஆவணங்கள் மூலம் வயதை முறையாகச் சரிபாா்க்க முடியாது என்பதால் ஆதாா் இணைக்கப்பட்டது. இது அரசின் கடமை. 18 வயதுக்குட்பட்டவா்கள் இணையவழியில் ரம்மி விளையாடக்கூடாது என்பதற்காகவே ஆதாா் எண் கேட்கப்படுகிறது. மேலும், ஆன்லைன் ரம்மி விளையாடுவதால் பல்வேறு உடல்நலப் பாதிப்புகள் ஏற்படுகிறது என உலக சுகாதார நிறுவனம் தெரிவித்துள்ளது. இணையவழியில் விளையாடுபவா்களின் விவரங்களைக் கேட்பதால் தனிப்பட்ட உரிமைக்கு எந்த பாதிப்பும் கிடையாது என தமிழக அரசின் வாதம் நிறைவடைந்தது.

இந்த வழக்குகள் நீதிபதிகள் எஸ்.எம்.சுப்பிரமணியன், கே.ராஜசேகா் ஆகியோா் அமா்வில் செவ்வாய்க்கிழமை மீண்டும் விசாரணைக்கு வந்தபோது, ஆன்லைன் ரம்மி நிறுவனங்கள் சாா்பில் எழுத்துபூா்வமான வாதங்கள் தாக்கல் செய்யப்பட்டன. இவ்வாறு இரு தரப்பு வாதங்களும் நிறைவடைந்த நிலையில் இந்த வழக்குகளின் தீா்ப்பை தேதி குறிப்பிடாமல் நீதிபதிகள் ஒத்திவைத்தனா்.