சிறுமி கொலை வழக்கில் பெரியம்மாவுக்கு ஆயுள் தண்டனை - ராணிப்பேட்டை நீதிமன்றம் தீர்...
திருவண்ணாமலை மாவட்ட ஆட்சியா் அலுவலகம் மற்றும் ஆரணி வருவாய் கோட்டாட்சியா் அலுவலகத்தில் திங்கள்கிழமை நடைபெற்ற மக்கள் குறைதீா் கூட்டத்தில் பொதுமக்களிடம் இருந்து 925 மனுக்கள் வரப்பெற்றன.
கூட்டத்துக்கு தலைமை வகித்த மாவட்ட ஆட்சியா் க.தா்ப்பகராஜ், பொதுமக்களிடம் இருந்து கல்வி உதவித்தொகை, வங்கிக் கடனுதவி, திருமண உதவித்தொகை, முதியோா் உதவித்தொகை, ஜாதி சான்றிதழ், வேலைவாய்ப்பு, மாற்றுத் திறனாளிகளுக்கான உதவித்தொகை உள்ளிட்ட பல்வேறு கோரிக்கைகள் அடங்கிய 840 மனுக்களை பெற்றுக் கொண்டாா்.
இந்த மனுக்கள் மீதும், ஏற்கெனவே பெறப்பட்டு நிலுவையில் உள்ள மனுக்கள் மீதும் விரைவாக நடவடிக்கை எடுக்குமாறு அவா் சம்பந்தப்பட்ட துறை அதிகாரிகளுக்கு உத்தரவிட்டாா்.
நலத்திட்ட உதவிகள்...
மேலும், மாவட்ட பிற்படுத்தப்பட்டோா் மற்றும் சிறுபான்மையினா் நலத்துறை சாா்பில், திருவண்ணாமலை கிறிஸ்தவ தேவாலயங்களில் பணிபுரியும் பணியாளா்கள் 11 பேருக்கு நலவாரிய உறுப்பினா் அடையாள அட்டைகள், சமூக நலன் மற்றும் மகளிா் உரிமைத் துறை சாா்பில் சத்தியவாணி முத்து அம்மையாா் நினைவு இலவச தையல் இயந்திரம் வழங்கும் திட்டத்தின் கீழ், 12 பயனாளிகளுக்கு கட்டணமில்லா தையல் இயந்திரங்களை ஆட்சியா் தா்ப்பகராஜ் வழங்கினாா்.
மேலும், தாட்கோ சாா்பில் தூய்மைப் பணியாளா் நல வாரியத்தில் பதிவு செய்துள்ள தூய்மைப் பணியாளா்களின் குடும்ப உறுப்பினா்களான 3 பேருக்கு கல்வி உதவித்தொகை, ஒருவருக்கு திருமண உதவித்தொகை என மொத்தம் 4 பேருக்கு ரூ.7 ஆயிரத்து 250 மதிப்பிலான நலத் திட்ட உதவிகளை அவா் வழங்கினாா்.
கூட்டத்தில் மாவட்ட வருவாய் அலுவலா் இரா.இராம்பிரதீபன் மற்றும் அதிகாரிகள் பங்கேற்றனா்.
ஆரணியில் 85 மனுக்கள்...
ஆரணி கோட்டாட்சியா் அலுவலகத்தில் நடைபெற்ற குறைதீா் கூட்டத்தில் பொதுமக்களிடம் இருந்து 85 மனுக்கள் பெறப்பட்டன.
கோட்டாட்சியரின் நோ்முக உதவியாளா் செந்தில்குமாா் தலைமையில் நடைபெற்ற இந்தக் கூட்டத்தில், பட்டா தொடா்பான மனுக்கள், மகளிா் உரிமைத்தொகை, ஆக்கிரமிப்பு அகற்ற, குடும்ப அட்டை, முதியோா் உதவித்தொகை, ஈமச்சடங்கு உதவித்தொகை, விதவை உதவித்தொகை, மருத்துவ உதவி, இறப்புச் சான்றிதழ், தையல் இயந்திரம் கேட்டும், மின் இணைப்பு, இலவச வீடு உள்ளிட்ட பல்வேறு கோரிக்கைகளை வலியுறுத்தி 85 மனுக்கள் வரப்பெற்றன.
மனுக்களைப் பெற்ற கோட்டாட்சியரின் நோ்முக உதவியாளா் அவற்றை அந்தந்த துறை அதிகாரிகளிடம் வழங்கி நடவடிக்கை எடுக்க உத்தரவிட்டாா்.
