ஆர் ஜே பாலாஜியின் சொர்க்கவாசல் டிரைலர் குறித்த அப்டேட்டை படக்குழு வெளியிட்டுள்ளது.
அறிமுக இயக்குநர் சித்தார்த் விஸ்வநாத் இயக்கத்தில் ஆர்ஜே பாலாஜி நடித்து வரும படம் சொர்க்கவாசல். இதில், செல்வராகவன், கருணாஸ், பாலாஜி சக்திவேல், எழுத்தாளர் சோஷா சக்தி உள்ளிட்டோர் நடித்துள்ளனர்.
படத்தைத் தமிழகத்தில் டிரீம் வாரியர்ஸ் பிக்சர்ஸ் மூலமாக எஸ் ஆர் பிரபு ரிலீஸ் செய்கிறார்.
இந்த படத்தின் கதைக்களம் 1999 ஆம் ஆண்டு சென்னை மத்தியச் சிறைச்சாலையில் நடந்த சிறைக் கலவரத்தை மையப்படுத்தி உருவாக்கப்பட்டுள்ளதாக சொல்லப்படுகிறது.
ஏற்கெனவே படத்தின் போஸ்டர்கள், டீசர் வெளியாகி கவனம் பெற்றுள்ள நிலையில் தற்போது டிரைலர் குறித்த அப்டேட்டை படக்குழு வெளியிட்டுள்ளது.
அதன்படி படத்தின் டிரைலர் நாளை காலை 11 மணிக்கு வெளியாகும் எனத் தெரிவிக்கப்பட்டுள்ளது. படம் நவ.29ஆம் தேதி வெளியாக உள்ளது.
