நானும் மயானத்திலேயே தங்கிவிடுகிறேன்..! ஆர்சிபி வெற்றிக் கொண்டாட்டத்தில் மகனை இழந...
இந்திய விண்வெளி வீரா் சுபான்ஷு சுக்லா, ‘ஆக்ஸிம்-4’ திட்டத்தின்கீழ் சா்வதேச விண்வெளி நிலையத்துக்கு வரும் செவ்வாய்க்கிழமை (ஜூன் 10) பயணிக்கிறாா்.
‘டிராகன்’ விண்கலத்தில் 28 மணி நேரப் பயணத்துக்குப் பிறகு புதன்கிழமை இரவு 10 மணியளவில் சுபான்ஷு சுக்லா சா்வதேச விண்வெளி நிலையத்தைச் சென்றடைவாா்.
மனிதா்களை விண்ணுக்கு அனுப்பும் இந்தியாவின் ‘ககன்யான்’ திட்டத்துக்காக தோ்வான வீரா்களில் ஒருவரான சுக்லா, அனுபவப் பயிற்சி நோக்கங்களுக்காக விண்வெளிக்குப் பயணிக்க உள்ளாா்.
அமெரிக்காவில் செயல்படும் மனித விண்வெளிப் பயண சேவைகள் நிறுவனமான ‘ஆக்ஸிம் ஸ்பேஸ்’ நிறுவனத்தின் ‘ஆக்ஸிம்-4’ திட்டத்தின்கீழ் இப்பயணம் மேற்கொள்ளப்பட உள்ளது. சுக்லாவுடன் போலந்து வீரா் ஸ்லாவோஸ் உஸ்னான்ஸ்கி விஸ்னீவ்ஸ்கி, ஹங்கேரி வீரா் திபோா் கபு ஆகியோரும் விண்வெளிக்குப் பயணிக்க இருக்கின்றனா்.
அமெரிக்காவின் ஃபுளோரிடாவில் உள்ள நாசாவின் கென்னடி விண்வெளி நிலையத்தில் இருந்து எலான் மஸ்குக்குச் சொந்தமான ‘ஸ்பேஸ்-எக்ஸ்’ நிறுவனத்தின் ‘ஃபால்கன் 9’ ஏவுகணை மூலம் விண்ணில் ஏவப்படும் ‘டிராகன்’ விண்கலத்தில் இவா்கள் பயணிக்கின்றனா்.
சா்வதேச விண்வெளி நிலையத்தில் சுக்லா 14 நாள்கள் தங்கியிருந்து, ஆய்வுப் பணிகளை மேற்கொள்ளவிருக்கிறாா் சுக்லா. அங்கிருந்து பிரதமா் நரேந்திர மோடி, பள்ளி குழந்தைகள் மற்றும் பிறருடன் அவா் கலந்துரையாடுவாா் என்று எதிா்பாா்க்கப்படுகிறது.
விண்வெளிப் பயணத்துக்குத் தயாராவதற்காக கடந்த மே 25-ஆம் தேதிமுதல் வீரா்கள் தனிமைப்படுத்தப்பட்டுள்ளனா். விண்வெளிப் பயணத்துக்கான ஏற்பாடுகளை ஆய்வு செய்வதற்காக இஸ்ரோ தலைவா் வி.நாராயணன் கடந்த வாரம் ஆக்ஸிம் விண்வெளி மையத்தைப் பாா்வையிட்டாா்.
இந்தியாவின் கனவுகளைச் சுமந்து..: விண்வெளி பயணத்துக்கு முன்னதாக இந்த வார தொடக்கத்தில் வீரா்கள் குழுவாக செய்தியாளா்களைச் சந்தித்தனா்.
அப்போது, சுக்லா கூறுகையில், ‘விண்வெளிப் பயணத்துக்கான ஓராண்டு கால பயிற்சி, மாற்றத்தை உருவாக்கிய அனுபவமாகும். இதுவரை ஒரு அற்புதமான பயணமாக இருந்துள்ளது. ஆனால், சிறந்த அனுபவம் இன்னும் வரவில்லை. நான் விண்வெளிக்குச் செல்லும்போது, கருவிகள் மற்றும் உபகரணங்களை மட்டுமின்றி 100 கோடிக்கும் மேற்பட்ட இந்தியா்களின் நம்பிக்கைகளையும் கனவுகளையும் சுமந்து செல்கிறேன்’ என்றாா்.
ஆய்வுப் பணிகள்: இஸ்ரோ மற்றும் மத்திய உயிரி தொழில்நுட்பத் துறை ஆகியவற்றின் ஒத்துழைப்பின்கீழ், நாசாவின் ஆதரவுடன் உருவாக்கப்பட்ட பிரத்யேக உணவு மற்றும் ஊட்டச்சத்து தொடா்பான சோதனைகளை விண்வெளியில் சுக்லா மேற்கொள்ள உள்ளாா். குறிப்பாக, இஸ்ரோவின் 7 சோதனைகளிலும், நாஸாவின் மனித ஆராய்ச்சி திட்டத்துக்கான 5 கூட்டு ஆய்வுகளிலும் அவா் பங்கேற்கவுள்ளாா்.
புவியீா்ப்பு சக்தி குறைவாக உள்ள விண்வெளிச் சூழலில் பச்சைப்பயிறு, வெந்தயம் ஆகிய விதைகளை வளா்த்து சுக்லா ஆய்வு மேற்கொள்கிறாா். எதிா்காலத்தில் நீண்ட கால விண்வெளி பயணத்திற்கு அவசியமான விண்வெளி ஊட்டச்சத்து மற்றும் தன்னிறைவு வாழ்க்கை ஆதரவு அமைப்புக்கு முன்னோட்டமாக இந்த சோதனைகள் திட்டமிடப்பட்டுள்ளன.
முக்கியத்துவமான பயணம்: சுக்லாவின் விண்வெளிப் பயணம் இந்தியாவுக்கு வியூக ரீதியில் முக்கியத்துவம் வாய்ந்தது. ஏனெனில், வரும் 2027-ஆம் ஆண்டு திட்டமிடப்பட்டுள்ள இந்தியாவின் ‘ககன்யான்’ திட்டத்துக்கு, சுக்லாவின் ஆக்ஸிம்-4 திட்ட நேரடி அனுபவங்கள் மிகவும் பயனுள்ளதாக இருக்கும். ஆக்ஸிம்-4 திட்டத்துக்கு இஸ்ரோ ரூ.550 கோடி செலவிட்டுள்ளது.
கடைசியாக கடந்த 1984-இல் இந்திய வீரா் ராகேஷ் சா்மா விண்வெளிக்குப் பயணித்தாா். இப்போது 40 ஆண்டுகளுக்குப் பிறகு விண்வெளிப் பயணம் மேற்கொள்ளும் முதல் இந்தியா வீரா் என்ற பெருமை சுக்லாவுக்கு சொந்தமாக உள்ளது. இவா், இந்திய விமானப் படையின் திறன்மிக்க பரிசோதனை விமானி ஆவாா்.
