இந்தியாவின் தொலைத்தொடா்பு வாடிக்கையாளா்கள் எண்ணிக்கை கடந்த ஏப்ரல் மாதத்தில் 120.38 கோடியாக உயா்ந்துள்ளது.
இது குறித்து துறை ஒழுங்காற்று அமைப்பான ட்ராய் வெளியிட்டுள்ள தரவுகள் தெரிவிப்பதாவது:
2025 ஏப்ரல் 31-ஆம் தேதி நிலவரப்படி மொத்த தொலைபேசி வாடிக்கையாளா்கள் எண்ணிக்கை 120.38 கோடியாக உள்ளது. இதில் வயா்லெஸ் (மொபைல்) வாடிக்கையாளா்கள் 116.64 கோடி மற்றும் வயா்டு வாடிக்கையாளா்கள் 3.74 கோடியாக உள்ளனா். மே மாதத்தில் மொத்தம் 0.31 கோடி வாடிக்கையாளா்கள் புதிதாக சோ்க்கப்பட்டுள்ளனா். இது 0.25 சதவீத மாதாந்திர வளா்ச்சியாகும்.
பிராட்பேண்ட்: மதிப்பீட்டு மாத இறுதியில் மொத்த பிராட்பேண்ட் வாடிக்கையாளா்கள் எண்ணிக்கை 94.31 கோடியாக உள்ளது. இது முந்தைய மாா்ச் மாதத்தைவிட 0.11 சதவீதம் குறைவு. இதில் வயா்டு பிராட்பேண்ட் வாடிக்கையாளா்கள் 4.14 கோடியாகவும், வயா்லெஸ் பிராட்பேண்ட் வாடிக்கையாளா்கள் 90.17 கோடியாகவும் உள்ளனா். வயா்டு பிராட்பேண்ட் வாடிக்கையாளா்கள் 0.07சதவீதம் உயா்ந்துள்ளனா். ஆனால் வயா்லெஸ் பிராட்பேண்ட் வாடிக்கையாளா்கள் 0.55 சதவீதம் குறைந்து 0.49 கோடியாகவும், மொபைல் பிராட்பேண்ட் வாடிக்கையாளா்கள் எண்ணிக்கை 0.12சதவீதம் குறைந்து 89.68 கோடியாகவும் உள்ளது.
நகா்ப்புற மற்றும் கிராமப்புற வாடிக்கையாளா்கள்: கடந்த ஏப்ரல் இறுதியில் நகா்ப்புற தொலைபேசி வாடிக்கையாளா்கள் எண்ணிக்கை 66.72 கோடியாகவும், கிராமப்புற வாடிக்கையாளா்கள் எண்ணிக்கை 53.67 கோடியாகவும் உள்ளது. அந்த மாதத்தில் நகா்ப்புறத்தில் 0.11 கோடி வாடிக்கையாளா்களும் (0.16 சதவீதம் வளா்ச்சி) கிராமப்புறத்தில் 0.20 கோடி (0.37சதவீத வளா்ச்சி) வாடிக்கையாளா்கள் புதிதாக சோ்க்கப்பட்டுள்ளனா்.
மொபைல் எண் இடமாற்றம் (என்என்பி): கடந்த ஏப்ரல் மாதத்தில் 1.35 கோடி வாடிக்கையாளா்கள் எம்என்பி கோரிக்கைகளை சமா்ப்பித்துள்ளனா்.
முக்கிய நிறுவனங்களின் சந்தைப் பங்கு: மொத்த பிராட்பேண்ட் (வயா்டு + வயா்லெஸ்) சந்தையில் நாட்டின் முக்கிய ஐந்து தொலைத்தொடா்பு நிறுவனங்களின் பங்கு 98.41சதவீதம் ஆக உள்ளது. அவை:
- ரிலையன்ஸ் ஜியோ இன்ஃபோகாம் லிமிடெட் - 47.66 கோடி
- பாா்தி ஏா்டெல் லிமிடெட் - 28.93 கோடி
- வோடஃபோன் ஐடியா லிமிடெட் - 12.56 கோடி
- பாரத் சஞ்சாா் நிகாம் லிமிடெட் - 3.43 கோடி
- ஆத்ரியா கன்வா்ஜென்ஸ் டெக்னாலஜிஸ் லிமிடெட் - 0.23 கோடி
வயா்டு பிராட்பேண்ட் நிறுவனங்கள்: வயா்டு பிராட்பேண்ட் சந்தையில் முதல் ஐந்து நிறுவனங்களின் பங்கு 67.56சதவீதம் ஆக உள்ளது. அவை:
- ரிலையன்ஸ் ஜியோ இன்ஃபோகாம் லிமிடெட் - 1.15 கோடி
- பாரதி ஏா்டெல் லிமிடெட் - 0.86 கோடி
- பாரத் சஞ்சாா் நிகாம் லிமிடெட் - 0.43 கோடி
- ஆத்ரியா கன்வா்ஜென்ஸ் டெக்னாலஜிஸ் லிமிடெட் - 0.23 கோடி
- கேரள விஷன் பிராட்பேண்ட் லிமிடெட் - 0.13 கோடி
வயா்லெஸ் பிராட்பேண்ட் நிறுவனங்கள்: வயா்லெஸ் பிராட்பேண்ட் சந்தையில் முதல் ஐந்து நிறுவனங்களின் பங்கு 99.98சதவீதம் ஆக உள்ளது. அவை:
- ரிலையன்ஸ் ஜியோ இன்ஃபோகாம் லிமிடெட் - 46.51 கோடி
- பாரதி ஏா்டெல் லிமிடெட் - 28.08 கோடி
- பாரத் சஞ்சாா் நிகாம் லிமிடெட் - 2.99 கோடி
- ஐபஸ் விா்ச்சுவல் நெட்வொா்க் சா்வீசஸ் பிரைவேட் லிமிடெட் - 90,000 என்று ட்ராய் அமைப்பின் தரவுகள் தெரிவிக்கின்றன.
