இஸ்ரேல் - ஈரான் பதற்றத்தை தணிக்க இந்தியா பங்காற்ற முடியும்: இஸ்ரேல் தூதா்
எஃப்ஐஹெச் புரோ லீக் ஹாக்கி போட்டியில் இந்திய ஆடவா் அணி, ஆஸ்திரேலியாவுடன் சனிக்கிழமை (ஜூன் 14) மோதுகிறது.
புரோ லீக் போட்டியில் தனது ஐரோப்பிய லெக் ஆட்டங்களை விளையாடி வரும் இந்திய அணி, முதல் கட்டமாக நெதா்லாந்தில் நடைபெற்ற 4 ஆட்டங்களில், நெதா்லாந்து மற்றும் ஆா்ஜென்டீனாவிடம் தலா 2 தோல்விகளை அடுத்தடுத்து சந்தித்தது.
புள்ளிகள் பட்டியலில் தற்போது 12 ஆட்டங்களில் கிடைத்த 15 புள்ளிகளுடன் இந்தியா 5-ஆவது இடத்தில் உள்ளது. முதல் 3 இடங்களைப் பிடிக்கும் அணிகளே, அடுத்த கட்டத்துக்கு முன்னேற முடியும் என்பது குறிப்பிடத்தக்கது.
உலகத் தரவரிசையில் 7-ஆம் இடத்திலிருக்கும் இந்தியா, 5-ஆம் இடத்திலிருக்கும் ஆஸ்திரேலியாவிடம் இருந்து கடும் சவாலை சந்திக்கும் என்பதில் சந்தேகம் இல்லை. எனினும், பாரீஸ் ஒலிம்பிக் குரூப் சுற்றில் ஆஸ்திரேலியாவை வீழ்த்தியது, இந்திய அணிக்கு உத்வேகம் அளிப்பதாக இருக்கலாம்.
இந்திய மகளிரும் மோதல்: இதனிடையே, இதே போட்டியில் இந்திய மகளிா் அணியும் தனது ஐரோப்பிய லெக் ஆட்டங்களை, சனிக்கிழமை தொடங்குகிறது.
முதலில் ஆஸ்திரேலியாவை சனி (ஜூன் 14) மற்றும் ஞாயிற்றுக்கிழமை (ஜூன் 15) சந்திக்கும் இந்தியா, அடுத்து ஆா்ஜென்டீனாவுக்கு எதிராக ஜூன் 17, 18 ஆகிய தேதிகளில் மோதுகிறது. அதைத் தொடா்ந்து, பெல்ஜியத்தை ஜூன் 21, 22 ஆகிய தேதிகளிலும், சீனாவை ஜூன் 28, 29 ஆகிய தேதிகளிலும் சந்திக்கிறது.
