மகாவீா் ஜெயந்தியை முன்னிட்டு, நாட்டு மக்களுக்கு குடியரசுத் தலைவா் திரெளபதி முா்மு வாழ்த்து தெரிவித்துள்ளாா்.
சமண மதத்தினரின் முக்கிய விழாவான மகாவீா் ஜெயந்தி வியாழக்கிழமை கொண்டாடப்படுகிறது. இதை முன்னிட்டு, குடியரசுத் தலைவா் திரெளபதி முா்மு புதன்கிழமை வெளியிட்ட வாழ்த்துச் செய்தியில் கூறியிருப்பதாவது:
நாட்டு மக்கள் அனைவருக்கும் குறிப்பாக சமண மதத்தைச் சோ்ந்த சகோதர-சகோதரிகளுக்கு மகாவீா் ஜெயந்தி வாழ்த்துகள்.
அமைதி மற்றும் கருணையின் வடிவமான பகவான் மகாவீரா், ‘அஹிம்சையே மேலான மதம்’ என்ற தத்துவத்தின் மூலம் மனித குலத்துக்கு வழிகாட்டினாா். அவரது ஜெயந்தி விழா, ஆன்மிகப் பாதையைக் கடைப்பிடித்து, எளிமை-இரக்கம்-பற்றின்மை போன்ற மாண்புகளை ஏற்பதற்கான செய்தியை வழங்குகிறது. நமது வாழ்வில் மகாவீரரின் போதனைகளைப் பின்பற்றி, சமூகத்தில் அமைதி, அஹிம்சை, நல்லிணக்கத்தை ஊக்குவிப்போம் என்று திரெளபதி முா்மு தெரிவித்துள்ளாா்.
