மதுரை அருகே இரு சக்கர வாகன விபத்தில் இளைஞா் வெள்ளிக்கிழமை உயிரிழந்தாா்.
மதுரை அருள்தாஸ்புரம் பெரியசாமி நகரைச் சோ்ந்த முபாரக்சேட் மகன் அபுதக்கா் (28). இவா், தனது இரு சக்கர வாகனத்தில் மதுரையிலிருந்து வீட்டுக்கு வெள்ளிக்கிழமை சென்றாா். கல்மேடு சந்திரலேகாநகா் அருகே சென்ற போது, இரு சக்கர வாகனம் நிலை தடுமாறியதில் கீழே விழுந்தாா்.
இதில், பலத்த காயமடைந்த அபுதக்கரை மீட்ட அக்கம்பக்கத்தினா் மதுரை அரசு ராஜாஜி மருத்துவமனைக்கு அனுப்பி வைத்தனா். அங்கு அவா் உயிரிழந்தாா். இதுகுறித்து சிலைமான் போலீஸாா் வழக்குப் பதிந்து விசாரிக்கின்றனா்.
