விடாமுயற்சி, கடின உழைப்பே வாழ்வின் வெற்றிக்கு வழி வகுக்கும் என தமிழ் வளா்ச்சித் துறை இயக்குநா் முனைவா் ஔவை ந. அருள் தெரிவித்தாா்.
மதுரை உலகத் தமிழ்ச் சங்க வளாகத்தில் தமிழ் வளா்ச்சித் துறை சாா்பில் இளந்தமிழா் இலக்கியப் பயிலரங்கு-2024 நிகழ்வு கடந்த 15-ஆம் தேதி முதல் 21-ஆம் தேதி வரை நடைபெற்றது. நிறைவு நாளான சனிக்கிழமை பயிற்சி பெற்ற மாணவ, மாணவிகளுக்கு சான்றிதழ் வழங்கும் விழா நடைபெற்றது.
இதில், தமிழ் வளா்ச்சித் துறையின் இயக்குநா் முனைவா் ஔவை ந. அருள் சிறப்பு விருந்தினராகக் கலந்து கொண்டு மாணவ, மாணவிகளுக்கு சான்றிதழ் வழங்கிப் பேசியதாவது:
நமது நாட்டில் உள்ள மொத்த மக்கள் தொகையில் அதிகளவில் இளைஞா்களாக உள்ளனா். எனவேதான் இளைஞா்களின் பங்களிப்பால் நாடு வளா்ச்சிப் பெற உள்ளது. ஆக்கப் பூா்வ சிந்தனைகளுக்கு முன்னுரிமை அளிக்க வேண்டும். சிறு துன்பங்களைக் கண்டு அச்சப்பட வேண்டாம். திறமையை வளா்த்துக் கொள்ள வேண்டும். நல்ல நூல்களை தேடி வாசிக்க வேண்டும். விடாமுயற்சியுடன் கடின உழைப்பே வாழ்வின் வெற்றிக்கு வழி வகுக்கும் என்றாா் அவா்.
முன்னதாக நடைபெற்ற அமா்வுகளில் திரைப்பட இயக்குநா் இ.வி. கணேஷ்பாபு, ‘நாடகம் என்னும் கலைவடிவம்’ என்ற தலைப்பிலும், சிங்கப்பூா் கல்வி அமைச்சக ஆசிரியா் மா.அா்ச்சுனன், ‘அயலகத் தமிழ்’ என்ற தலைப்பிலும், திரைப்பட இணை இயக்குநா் ராஜகம்பீரன் அப்பாஸ், ‘பேச்சுக்கலை’ என்ற தலைப்பிலும், எழுத்தாளா் தேனி மு.சுப்ரமணி, ‘இணையத்தமிழ் பயன்பாடுகள்’ என்ற தலைப்பிலும் பேசினா். நிகழ்வில், தமிழறிஞா்கள், பேராசிரியா்கள், மாணவ, மாணவிகள் கலந்து கொண்டனா்.
பரிசு பெற்றோா் விவரம்: இலக்கிய வினாடி-வினாப் போட்டியில் கள்ளக்குறிச்சி மாவட்டத்தைச் சோ்ந்த ந.குழந்தை தெரசா, தேனி மாவட்டத்தைச் சோ்ந்த ரா.பொதிகைமலா், தருமபுரி மாவட்டத்தைச் சோ்ந்த ப.சூா்யகுமாா் ஆகிய மூன்று போ் கொண்ட அணியினா் முதல் பரிசாக ரூ.15,000 பெற்றனா்.
முதுகுளத்தூரின் ஆ.ஜெபரெசிகா, தேனி மாவட்டத்தைச் சோ்ந்த பா.அரியகாமுத்துரை, ஈரோடு மாவட்டத்தைச் சோ்ந்த மு.ஐயம்மாள் ஆகிய மூன்று போ் கொண்ட அணியினா் இரண்டாவது பரிசாக ரூ.9,000 பெற்றனா்.
கள்ளக்குறிச்சி மாவட்டத்தைச் சோ்ந்த மு.தமிழ்மொழி, சென்னை மாவட்டத்தைச் சோ்ந்த ஜ.தமிழன், திருப்பத்தூா் மாவட்டம் வி.வேல்முருகன் ஆகிய மூன்று போ் கொண்ட அணியினா் மூன்றாவது பரிசாக ரூ.6,000 பெற்றனா்.
