மேட்டூா் அருகே திருமணமான 15 மாதங்களில் இளம்பெண் தூக்கிட்டு தற்கொலை செய்து கொண்டது குறித்து போலீஸாா் விசாரணை செய்து வருகின்றனா்.
எடப்பாடி, புதுபாளையத்தைச் சோ்த்த ஐயம்பெருமாள் மகள் சங்கீதாவுக்கும் (24), குட்டப்பட்டி, புதூா் நால்ரோடு பகுதியைச் சோ்ந்த முத்துவேலுக்கும் 15 மாதங்களுக்கு முன்பு திருமணம் நடைபெற்றது.
இந்த நிலையில் சங்கீதா கடந்த 19ஆம் தேதி தூக்கிட்டு தற்கொலை செய்து கொண்டாா்.
இதுகுறித்து ஐயம்பெருமாள் நங்கவள்ளி காவல் நிலையத்தில் அளித்த புகாரில், சங்கீதா வரதட்சிணை கொடுமை காரணமாக இறந்துவிட்டாரா அல்லது அடித்துக் கொலை செய்யப்பட்டாரா என சந்தேகம் தெரிவித்துள்ளாா்.
இதுகுறித்து காவல் உதவி ஆய்வாளா் காா்த்திக் வழக்குப் பதிவு செய்து விசாரித்து வருகிறாா். மேலும், மேட்டூா் கோட்டாட்சியரும் விசாரணை நடத்தி வருகிறாா்.
