உயா்கல்வி நிறுவனங்களுக்கான மின் ஆளுமை வரைவு மாதிரி கொள்கை -க்யூ.ஆா். குறியீடு: அமைச்சா் கோவி. செழியன் வெளியிட்டாா்

சென்னை: தமிழக உயா்கல்வி நிறுவனங்களுக்கான மின் ஆளுமை வரைவு மாதிரி கொள்கை, அது தொடா்பான க்யூ-ஆா். குறியீடு ஆகியவற்றை உயா்கல்வித் துறை அமைச்சா் கோவி.செழியன் வெளியிட்டாா்.

தமிழ்நாடு உயா்கல்வி மன்றம் சாா்பில் மின் ஆளுமை குறித்த க்யூ.ஆா். குறியீடு, வரைவு மாதிரி கொள்கை ஆகியவற்றை வெளியிடும் நிகழ்ச்சி சென்னை அண்ணா பல்கலைக்கழக வளாகத்தில் திங்கள்கிழமை நடைபெற்றது. இதில் அமைச்சா் கோவி.செழியன் கலந்து கொண்டு அவற்றை வெளியிட துறையின் செயலா் சி.சமயமூா்த்தி பெற்றுக் கொண்டாா். தொடா்ந்து, அண்ணா பல்கலைக்கழகம்- ஆட்டோ டெஸ்க் நிறுவனம் இடையே புரிந்துணா்வு ஒப்பந்தம் கையொப்பமானது.

கொள்கையின் நோக்கம்: இது குறித்து அமைச்சா் கோவி.செழியன் கூறியதாவது: பன்னாட்டு உயா்கல்வி நிறுவனங்கள் பின்பற்றும் சிறந்த நடைமுறைகளை தமிழக உயா்கல்வி நிறுவனங்களும் பின்பற்றும் வகையில் வரைவு மாதிரி கொள்கைகள் வடிவமைக்கப்பட்டு வெளியிடப்படுகின்றன. உயா்கல்வி மன்றம் இதனை செய்கிறது. அந்த வகையில் 12 வரைவு மாதிரி கொள்கைகள் வெளியிடப்படவுள்ளன. தற்போது கல்லூரிகள் பின்பற்ற வேண்டிய மின்னாளுமை குறித்த மாதிரி கொள்கைகள் வெளியிடப்பட்டுள்ளன. இது உயா்கல்வி நிா்வாகம், மாணவா் சேவைகள் வழங்கும் முறையில் , இணையதள மற்றும் தொழில்நுட்ப வசதிகள் எளிமைப்படுத்தப்படுவதோடு வெளிப்படைத்தன்மை உறுதி செய்யப்படும்.

இங்கு வெளியிடப்பட்ட இந்த மாதிரி கொள்கைகள் மாணவா்கள், ஆசிரியா்கள், கல்லூரி நிா்வாகம், தொழில் துறையினா், பொதுமக்கள் ஆலோசனைக்காக வைக்கப்படும். அவா்களிடமிருந்து பெறப்படும் கருத்துகள், ஆலோசனைகளை கருத்தில் கொண்டு ஆய்வு செய்து இறுதிக் கொள்கைகளில் சோ்த்து வெளியிடப்படும். இந்த கொள்கைகளை கல்வி நிறுவனங்கள் கட்டாயமாக கடைப்பிடிக்க வேண்டும் என வலியுறுத்தவில்லை. கல்வி நிறுவனங்கள் தங்கள் தேவைக்கேற்ப பயன்படுத்திக் கொள்ளலாம்.

க்யூ.ஆா். குறியீடு: தமிழ்நாடு உயா்கல்வி மன்றம் சாா்பில் மின் ஆளுமை குறித்த க்யூ.ஆா். குறியீடு தற்போது வெளியிடப்பட்டுள்ளது. இதன் மூலம் உயா்கல்வி வளாகங்களில் உள்ள அடிப்படை வசதிகள் முறையாக பராமரிக்கப்படுவது இதன் மூலம் உறுதிசெய்யப்படும். மாணவா்களுக்கு வழங்கப்படும் குடிநீா், சிற்றுண்டி, கழிவறை வசதி போன்ற குறித்த சேவைகள் க்யூ.ஆா். ஸ்கேன் மூலம் நிறை-குறைகள் உடனடியாக சம்பந்தப்பட்ட அலுவலருக்கு சென்றடைந்து சரி செய்ய வழி வகுக்கும்.

புரிந்துணா்வு எதற்காக? ஆட்டோ டெஸ்க் நிறுவனத்துடன் அண்ணா பல்கலை. மேற்கொண்ட ஒப்பந்தம் மூலம் ஆண்டுக்கு 10 ஆயிரம் மாணவா்களுக்கு கட்டணமின்றி எதிா்காலத் தொழில்நுட்பங்களுடன் பயிற்சி வழங்கப்படும். அதபோன்று ஆண்டுக்கு 30 ஆயிரம் மாணவா்கள் ஆட்டோ டெஸ்க் நிறுவனத்தின் மென்பொருள் தயாரிப்புகளை பயன்படுத்த முடியும். இதற்கான பிரத்யேகமான வடிவமைப்பு மற்றும் கண்டுபிடிப்பு மையம் அண்ணா பல்கலை.யில் நிறுவப்படும் என்றாா் அவா்.

இந்த நிகழ்ச்சிகளில் கல்லூரிக் கல்வி இயக்கக ஆணையா் எ.சுந்தரவல்லி, தொழில்நுட்பக் கல்வி ஆணையா் ஜெ.இன்னசென்ட் திவ்யா, தமிழ்நாடு மாநில உயா்கல்வி மன்ற துணைத் தலைவா் எம்.பி. விஜயகுமாா், அண்ணா பல்கலை. பதிவாளா் ஜே.பிரகாஷ் உள்ளிட்டோா் கலந்து கொண்டனா்.