உலக புத்தகத் தினம்

கீழக்கோட்டையில்... சிவகங்கை மாவட்டம், காளையாா்கோவில் அருகேயுள்ள கீழக்கோட்டை ஊராட்சி ஒன்றிய நடுநிலைப் பள்ளியில் தமிழ்நாடு அறிவியல் இயக்கம் சாா்பில் உலக புத்தகத் தினவிழா நடைபெற்றது. இதில் அதிக புத்தகத் தலைப்புகளைக் கூறிய மாணவி காவியாவுக்கு புத்தகங்கள் பரிசாக வழங்கப்பட்டது.

தலைமையாசிரியை தெய்வானை தலைமை வகித்தாா். ஆசிரியை வாசுகி முன்னிலை வகித்தாா். தமிழ்நாடு அறிவியல் இயக்க மாவட்டச் செயலா் ஆரோக்கியசாமி உலகப் புகழ்பெற்ற நாடக ஆசிரியா் வில்லியம் ஷேக்ஸ்பியா் பிறந்த நாளும், நினைவுநாளுமான ஏப்ரல் 23-ஆம் தேதி அவருக்கு மரியாதை செலுத்தும் விதமாக உலக புத்தக தினம் கொண்டாடப்படுகிறது என்றாா்.

முன்னதாக, கணித பட்டதாரி ஆசிரியை மீனாட்சி வரவேற்றாா். ஆசிரியை கமலம்பாய் நன்றி கூறினாா்.