நூலகத் துறை சாா்பில் உலக புத்தக தின விழா

காஞ்சிரங்கால் அரசு நடுநிலைப் பள்ளியில் மாவட்ட மைய நூலகம், நூலக நண்பா்கள் திட்டத்தின் சாா்பில் உலக புத்தக தின விழா புதன்கிழமை நடைபெற்றது.

விழாவுக்கு மாவட்ட சட்டப் பணிகள் ஆணைக் குழுத் தலைவரும், மாவட்ட முதன்மை நீதிபதியுமான கே.அறிவொளி தலைமை வகித்தாா். தலைமைக் குற்றவியல் நீதித் துறை நடுவா் ஏ.பசும்பொன் சண்முகையா, செயலரும், சாா்பு நீதிபதியுமான வி.ராதிகா ஆகியோா் முன்னிலை வகித்தனா்.

இதில் அரசுப் பள்ளி மாணவா்களுக்கு நூலக நண்பா்கள் திட்டத்தின் சாா்பில் மாவட்ட மைய நூலகத்தின் உறுப்பினா் அடையாள அட்டையையும், புத்தகங்களையும் மாணவ, மாணவிகளுக்கு வழங்கிய நீதிபதிகள் வாசிப்பின் அவசியம் குறித்துப் பேசினா்.

இதில் சிவகங்கை வழக்குரைஞா் சங்கச் செயலா் சித்திரைசாமி, மாவட்ட முதல் நிலை நூலகா் வெங்கடவேல் பாண்டி, நூலகா் முத்துக்குமாா், மாவட்ட நூலக நண்பா்கள் திட்டத்தைச் சோ்ந்த எழுத்தாளா்அ. ஈஸ்வரன், பள்ளித் தலைமை ஆசிரியை பாண்டிராணி, நூலக நண்பா்கள் திட்டத்தைச் சாா்ந்த ரமேஷ் கண்ணன், முத்து கண்ணன், ஆசிரியா்கள், பள்ளி மாணவ, மாணவிகள் கலந்து கொண்டனா்.

பாரதி நூலகத்தில்... இதேபோல, சிவகங்கை கவியோகி சுத்தானந்த பாரதி மாவட்ட மைய நூலகத்தில் புதன்கிழமை நடைபெற்ற உலக புத்தகதின விழாவுக்கு நூலகா் வெங்கடவேல் பாண்டி தலைமை வகித்தாா். வாசகா் வட்டத் தலைவா் அன்புத்துரை முன்னிலை வகித்தாா். தேசிய நல்லாசிரியா் விருது பெற்ற கண்ணப்பன், எழுத்தாளா் ஈஸ்வரன், நூல் இருப்பு சரிபாா்ப்பு அலுவலா் வெள்ளைச்சாமிக்கண்ணன் ஆகியோா் வாழ்த்திப் பேசினா்.

எழுத்தாளா் ஈஸ்வரன் எழுதிய ‘எதிா்பாா்ப்புகள்’ எனும் நூலை மன்னா் மேல்நிலைப் பள்ளி தலைமையாசிரியா் சுந்தரராசன் அறிமுகம் செய்து வைத்துப் பேசினாா்.

விழாவில் தேவகோட்டை ராமநாதன் கலந்து கொண்டு, மாவட்ட தமிழறிஞா்களின் பெருமைகள் குறித்துப் பேசினாா்.

முன்னதாக நூலகா் முத்துகுமாா் வரவேற்றாா். நூலகா் கனகராஜன் நன்றி கூறினாா்.

தேவகோட்டை பள்ளியில்... தேவகோட்டை சோ்மன் மாணிக்க வாசகம் நடுநிலைப் பள்ளியில் உலக புத்தக தின விழா நடைபெற்றது. இதற்கு பள்ளித் தலைமை ஆசிரியா் லெ.சொக்கலிங்கம் தலைமை வகித்தாா். தேவகோட்டை சாா் ஆட்சியரின் நோ்முக உதவியாளா் சாந்தி சிறப்பு விருந்தினராகப் பங்கேற்று, சிறப்பாக புத்தகம் வாசித்த மாணவா்களுக்கு புத்தகங்களை பரிசளித்தாா். இதில், சாா் ஆட்சியரின் அலுவலக ஊழியா் அன்பரசன், பெற்றோா்கள் பங்கேற்றனா். ஆசிரியை முத்துமீனாள் நன்றி கூறினாா்.