உழவா் அட்டை உள்ளவா்களுக்கு உதவித்தொகை -திருப்பத்தூா் ஆட்சியா்

உழவா் அட்டை வைத்துள்ளவா்கள் உதவித்தொகை பெற முகாம்களில் தகுந்த ஆவணங்களை அளித்து பயன் பெறலாம் என திருப்பத்தூா் ஆட்சியா் சிவ சௌந்திரவல்லி தெரிவித்தாா்.

இது தொடா்பாக அவா் வெளியிட்ட செய்திக் குறிப்பு:

திருப்பத்தூா் மாவட்டத்தில் முதல்வரின் உழவா் பாதுகாப்பு திட்டத்தின்கீழ், பதிவு செய்து உழவா் அட்டை வைத்துள்ள பொதுமக்களுக்கு உதவித் தொகைகள் வழங்கப்படுகின்றன. அதற்கான விவரம் 18 வயது நிறைவுற்ற திருமணமான பெண்கள், 21 வயது நிறைவுற்ற திருமணமான ஆண்கள் ஆகியோருக்கு திருமண உதவித் தொகை, அனைத்து பட்டம், டிப்ளமோ மற்றும் ஐடிஐ மாணவா்களுக்கு கல்வி உதவித் தொகை, 18 வயதுக்கு மேல் 65 வயதுக்குள் உள்ளவா்களுக்கு இயற்கை மரணம் மற்றும் ஈமச்சடங்கு நிவாரணம், 18 வயதுக்கு மேல் 65 வயதுக்குள் உள்ளவா்களுக்கு விபத்து நிவாரணம் வழங்கப்படுகிறது. இந்த உதவித் தொகைகளை பெற சிறப்பு முகாம் அனைத்து கிராம நிா்வாக அலுவலகம், வருவாய் ஆய்வாளா் அலுவலகம் மற்றும் தாலுகா அலுவலகங்களில் நடைபெறுகிறது. இந்த இடங்களில் பொதுமக்கள் அசல் மனு, உழவா் பாதுகாப்பு அட்டை நகல், ஆதாா் அட்டை நகல், குடும்ப அட்டை நகல், வங்கிக் கணக்கு புத்தக நகல், இறப்பு எனில் அசல் இறப்புச் சான்று மற்றும் உரிய ஆவணங்களுடன் (மேற்படி நிகழ்வுகள் கடந்த ஓா் ஆண்டுக்குள் நடைபெற்றிருக்க வேண்டும்) வரும் 10-ஆம் தேதி வரை பொதுமக்கள் மனுக்களை அளித்துப் பயன்பெறலாம்.