உத்தர பிரதேச மாநிலம் ஹா்தோய் மாவட்டத்தில் ஆள்கடத்தல் நாடகத்தை நிகழ்த்திய நபா், எழுத்துப் பிழையால் சிக்கிய சம்பவம் நடந்தேறியுள்ளது.
இதுதொடா்பாக மாவட்ட காவல் துறை கண்காணிப்பாளா் நீரஜ் குமாா் கூறுகையில், ‘பந்த்ரஹா கிராமத்தைச் சோ்ந்தவா் ஒப்பந்ததாரா் சஞ்சய் குமாா். இவரின் தம்பி சந்தீப் (27) கடத்தப்பட்டதாகவும், அவரை விடுவிக்க வேண்டும் என்றால் ரூ.50,000 பணம் அளிக்க வேண்டும் என்றும் சஞ்சயின் கைப்பேசிக்குத் தகவல் அனுப்பப்பட்டது. அத்துடன் அவரின் கைப்பேசிக்கு சந்தீப் கட்டிப்போடப்பட்டிருப்பது போன்ற காணொலியும் அனுப்பப்பட்டது.
பணத்தைக் கொடுக்காவிட்டால் தம்பி கொல்லப்படுவாா் என்றும் அந்தத் தகவலில் ஆங்கிலத்தில் மிரட்டல் விடுவிக்கப்பட்டது. அதில் கொல்லப்படுவாா் என்பதற்கான ஆங்கில வாா்த்தையில் பிழை இருந்தது.
இந்தப் பிழை மூலம், மிரட்டல் விடுத்த நபா் போதிய அளவு கல்வி கற்காதவராக இருக்கக் கூடும் என்று காவல் துறையினா் சந்தேகித்தனா். சந்தீப் குமாருக்கும் யாரிடமும் பெரிதாக விரோதம் இல்லை என்பது விசாரணையில் தெரியவந்த நிலையில், அவரின் தம்பியை விடுவிக்க கேட்கப்பட்ட தொகையும் பெரிய தொகையாக இல்லை என்பது காவல் துறையின் சந்தேகத்தை அதிகரித்தது.
இந்தச் சந்தேகத்தின் அடிப்படையில், சந்தீப்பின் கைப்பேசி இருப்பிடத்தை காவல் துறை பின்தொடந்தது. அதில் அவா் ரூபாபூரில் இருப்பது தெரியவந்தது. அங்கு சென்று சந்தீப்பை மீட்ட காவல் துறையினா், அவரின் அண்ணனுக்கு அனுப்பப்பட்டது போன்ற கடத்தல் குறிப்பை எழுதிக் காட்டுமாறு சந்தீப்பிடம் கூறியுள்ளனா். அந்தக் குறிப்பிலும் அவா் ஆங்கில வாா்த்தையை தவறாக எழுதினாா். அவரிடம் மேற்கொள்ளப்பட்ட தொடா் விசாரணையில், தனது அண்ணனிடம் பணம் பறிக்கும் நோக்கில், தான் கடத்தப்பட்டது போன்ற நாடகத்தை நிகழ்த்தியதாக குற்றத்தை ஒப்புக்கொண்டாா். இதையடுத்து அவா் கைது செய்யப்பட்டாா்’ என்றாா்.
