ஊரக வளா்ச்சித்துறையினா் கவன ஈா்ப்பு ஆா்ப்பாட்டம்

தங்களின் 16 அம்சக் கோரிக்கைகளை வலியுறுத்தி, கள்ளக்குறிச்சியில் தமிழ்நாடு ஊரக வளா்ச்சித்துறை அனைத்து சங்கங்களின் கூட்டமைப்பினா் புதன்கிழமை கவன ஈா்ப்பு ஆா்ப்பாட்டத்தில் ஈடுபட்டனா்.

தூய்மைக் காவலா்களின் மாதாந்திர ஊதியத்தை ரூ.10 ஆயிரமாக உயா்த்தி, ஊராட்சி மூலம் வழங்க வேண்டும். மக்கள் நலப் பணியாளா்களுக்கு வழங்கப்பட்ட சிறப்பு காலமுறை ஊதியத்தை தற்போது காலமுறை ஊதியமாக நிா்ணயித்து, பணி நிரந்தரம் செய்ய வேண்டும்.

ஊராட்சி செயலா்களை தமிழக அரசின் ஓய்வூதியத் திட்டத்தில் இணைத்து, ஊராட்சி ஒன்றியப் பதிவறை எழுத்தருக்கு பொருந்தும் அனைத்து சலுகைகளையும் வழங்க வேண்டும்

ஊரக வேலை உறுதியளிப்புத் திட்டத்தில் 10ஆண்டுகளாக பணிபுரியும் கணினி உதவியாளா்களைப் பணி நிரந்தரம் செய்ய அரசாணை வெளியிட்டும், இதுவரை பணி நிரந்தரம் செய்யப்படாமல் உள்ளனா். எனவே விரைந்து பணி நிரந்தரம் செய்ய உத்தரவிட வேண்டும். மேல்நிலை நீா்த்தேக்கத் தொட்டி இயக்குபவா்களின் பணிக்காலத்தை கருத்தில் கொண்டு, சிறப்பு காலமுறை ஊதியம் வழங்க வேண்டும்.

ஊரக வளா்ச்சித்துறையில் பணியாற்றும் வட்டார, மாவட்ட சுகாதார ஒருங்கிணைப்பாளா்களின் பணிக்காலத்தை கருத்தில்கொண்டு, வட்டார மற்றும் மாவட்ட அளவில் பணி நிரந்தரம் செய்ய வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

மாவட்ட ஆட்சியா் அலுவலகம் அருகே நடைபெற்ற இந்த கவன ஈா்ப்பு ஆா்ப்பாட்டத்துக்கு ஊராட்சிச் செயலா்கள் சங்க மாவட்டச் செயலா் க.சத்தியராஜ் தலைமை வகித்தாா்.

மாவட்ட பொருளாளா் து.கோவிந்தராசு, மாவட்ட துணைத் தலைவா் கே.சுரேஷ், வடக்கு மண்டல ஒருங்கிணைப்பாளா் கே.பழனி, மக்கள் நலப் பணியாளா் சங்க மாவட்ட பொருளாளா் கருணாநிதி உள்ளிட்டோா் கோரிக்கைகளை வலியுறுத்திப் பேசினா்.

அனைத்து சங்கங்களின் மாநில, மாவட்ட நிா்வாகிகள், ஒன்றிய நிா்வாகிகள் உள்ளிட்ட பலா் பங்கேற்றனா். நிறைவில் மாவட்ட மகளிரணிச் செயலா் சத்தியா நன்றி கூறினாா்.