கள்ளக்குறிச்சியில் ஓட்சா ஊராட்சிப் பணியாளா்கள் கூட்டமைப்பினா் வியாழக்கிழமை சாலை மறியலில் ஈடுபட்டனா்.
கள்ளக்குறிச்சி மாவட்ட கிராம ஊராட்சிகளில் 10 ஆண்டுகளுக்கும் மேல் பணியாற்றும் சுகாதார ஊக்குநா்கள் சுமாா் 25-க்கும் மேற்பட்டோா் காரணின்றி பணி நீக்கம் செய்யப்பட்டுள்ளனா். அவா்களின் வாழ்வாதாரத்தை கருத்தில் கொண்டு மீண்டும் அவா்களுக்கு பணி வழங்க வேண்டும். கிராம ஊராட்சிகளில் பணியாற்றும் தூய்மைக் காவலா்களுக்கு மாதந்தோறும் 5-ஆம் தேதிக்குள் ஊதியம் வழங்க வேண்டும்.
கிராம ஊராட்சிகளில் பணியாற்றும் தூய்மைக் காவலா்கள், தூய்மைப் பணியாளா்களை தூய்மைப் பணியாளா்கள் நல வாரியத்தில் உறுப்பினா்களாக சோ்ப்பதற்கு உரிய நடவடிக்கை எடுக்க வேண்டும். மாவட்டத்தில் 9 உராட்சி ஒன்றியங்களில் பணியாற்றும் சுகாதார ஊக்குநா்களுக்கு பல மாதங்களாக நிலுவையில் உள்ள தொகுப்பூதியத்தை விடுவிக்க வேண்டும். மேல்நிலை நீா்த்தேக்கத் தொட்டி இயக்குபவா்களுக்கு முறைறயான மாத ஊதியம் வழங்க வேண்டும் என்பன உள்ளிட்ட 7 அம்சக் கோரிக்கைகளை வலியுறுத்தி ஆா்ப்பாட்டத்தில் ஈடுபட்டனா்.
ஆா்ப்பாட்டத்துக்கு ஓட்சா கூட்டமைப்பு மாநிலத் தலைவா் கே.இலட்சுமணன் தலைமை வகித்தாா். நிறுவனா் தலைவா் எம்.அமல்ராஜ் உள்ளிட்ட பலா் பேசினா்.
பின்னா், ஆட்சியரை நேரில் சந்தித்து கோரிக்கைகளை கூறினாா். தொடா்ந்து, கோரிக்கைகளை வலியுறுத்தி ஆட்சியா் அலுவலகம் முன் சாலை மறியலில் ஈடுபட்டனா்.
தகவலறிந்த கள்ளக்குறிச்சி போலீஸாா் நிகழ்விடத்துக்குச் சென்று சாலை மறியலில் ஈடுபட்டவா்களிடம் பேச்சுவாா்த்தை நடத்தியதையடுத்து, சாலை மறியலைக் கைவிட்டனா். மறியலால் கள்ளக்குறிச்சி - கச்சிராயபாளையம் சாலையில் சிறிது நேரம் போக்குவரத்து பாதிக்கப்பட்டது.
பின்னா், ஊராட்சி உதவி இயக்குநா் வெங்கட்ராமணன், ஆட்சியரின் நோ்முக எழுத்தா் ஆரோக்கியசாமி உள்ளிட்ட அலுவலா்கள் கோரிக்கைகளை கேட்டறிந்தனா்.
