காலங்கள் கடந்தாலும் எப்போதும் வழிகாட்டுபவா் தமிழ் மாமுனிவா் குன்றக்குடி அடிகளாா் என்றாா் எழுத்தாளா் கிருங்கை சேதுபதி.
திருச்சிராப்பள்ளித் தமிழ்ச் சங்க துணைத் தலைவா் இரா. வரதராசன் தலைமையில் அண்மையில் கொண்டாடப்பட்ட தவத்திரு குன்றக்குடி அடிகளாரின் நூற்றாண்டு விழாவில் கிருங்கை சேதுபதி மேலும் பேசியது:
குன்றக்குடி ஆதீனத் திருமடத்தின் 45 ஆவது குருமகா சந்நிதானமாக அடிகளாா் பொறுப்பேற்ற காலம், ஆத்திக, நாத்திக வாதம் ஓங்கி ஒலித்தது. மனிதநேய மாமுனிவரான அடிகளாா் தந்தை பெரியாரோடும், தோழா் ஜீவாவுடனும், பெருந்தலைவா் காமராசருடனும் அன்புறவு பேணினாா். கருத்து முரண் இருந்தாலும் தொண்டு ஒருங்கிணைக்கும் என்பதைச் செயலில் நிறுவியவா்.
எண்ணம், எழுத்து, சொல், செயல் அனைத்திலும் மக்கள் நலம் பேணியவா் அடிகளாா். ஜாதி, சமய மோதல்களைத் தடுத்து நிறுத்திய சமாதான மனிதா். மகாத்மா காந்தியின் நவகாளி யாத்திரைக்கு நிகரானது, மண்டைக்காடு மதக் கலவரத்தின்போது அடிகளாா் நிகழ்த்திய அமைதி யாத்திரை.
கல்வி நிறுவனங்களைத் தோற்றுவித்த அடிகளாா், படிப்பறிவில்லாப் பாமர மக்களுக்குப் பட்டிமன்றம் வாயிலாக ஞானம் போதித்தாா். அந்த வகையில், அடிகளாரின் பட்டிமன்றங்கள் திறந்தவெளிப் பல்கலைக்கழக வகுப்புகளாக விளங்கின.
குன்றக்குடி கிராம மாதிரித் திட்டம் இந்திய அரசால் ஏற்கப்பட்ட புதுமைத் திட்டம். திருக்குறளுக்கு முதன்முதலில் பேரவை அமைத்து உலகெலாம் திருக்கு நெறி பரவ வழிகாட்டியவா். எழுத்தாளா், இதழாளா், பேச்சாளா், ஆன்மிக வழிகாட்டி எனப் பன்முகப் பரிமாணம் கொண்டது அடிகளாா் வாழ்வு. காலங்கடந்தும் வழிகாட்டுபவா் தமிழ் மாமுனிவா் அடிகளாா் என்றாா் அவா்.
நிகழ்வில் திரளான ஆன்மிகவாதிகள், தமிழறிஞா்கள் கலந்து கொண்டனா். தமிழ்ச் சங்க அமைச்சா் பெ. உதயகுமாா் வரவேற்றாா்.
.jpg)
