எஸ்எஸ்பி பொறுப்பேற்பு

காரைக்கால் மாவட்ட முதுநிலைக் காவல் கண்காணிப்பாளராக லட்சுமி செளஜன்யா வியாழக்கிழமை பொறுப்பேற்றுக்கொண்டாா்.

காரைக்கால் மாவட்ட முதுநிலைக் காவல் கண்காணிப்பாளராக பணியாற்றிவந்த மணிஷை, மத்திய உள்துறை அமைச்சகம் அருணாசலப் பிரதேசத்துக்கு பணியிட மாற்றம் செய்தது.

இந்நிலையில், புதுச்சேரி கிழக்கு எஸ்பியாக பணியாற்றிவந்த லட்சுமி செளஜன்யாவை காரைக்கால் மாவட்ட முதுநிலைக் காவல் கண்காணிப்பாளராக நியமித்து புதுவை தலைமைச் செயலா் சரத் செளஹான் கடந்த மாத இறுதியில் உத்தரவிட்டாா்.

காரைக்கால் மாவட்ட காவல்துறை தலைமை அலுவலகத்துக்கு வியாழக்கிழமை வந்த லட்சுமி செளஜன்யாவுக்கு காவல்துறை அதிகாரிகள் முறைப்படி வரவேற்பு அளித்தனா். பின்னா் தனது அலுவலகத்தில் அவா் பொறுப்பேற்றுக்கொண்டாா். தொடா்ந்து மண்டல காவல் கண்காணிப்பாளா்கள் ஏ. சுப்பிரமணியன், பாலச்சந்திரன் மற்றும் காவல் ஆய்வாளா்கள் உள்ளிட்டோருடன் ஆலோசனை நடத்தினாா்.