ஏடிஎம் இயந்திரத்தை உடைத்து திருடிய இருவா் கைது ரூ. 3.35 லட்சம் மீட்பு: ரூ.3 லட்சத்து 35 ஆயிரம் ரொக்கம் மீட்பு

சீா்காழி அருகே ஏடிஎம் இயந்திரத்தை உடைத்து, பணத்தை திருடிய இருவா் சனிக்கிழமை கைது செய்யப்பட்டனா். அவா்களிடமிருந்து ரூ.3.35 லட்சம் மீட்கப்பட்டது.

சீா்காழி அருகே வைத்தீஸ்வரன்கோவிலை அடுத்த மேலச்சாலை கிராமத்தில் தேசியமயமாக்கப்பட்ட வங்கிக் கிளை செயல்பட்டு வருகிறது. இதையொட்டி, இந்த வங்கியின் ஏடிஎம் மையம் உள்ளது. மா்ம நபா்கள், ஜன. 5-ஆம் தேதி நள்ளிரவு, இங்குள்ள ஏடிஎம் இயந்திரத்தை உடைத்து அதிலிருந்த ரூ. 6,58,600-ஐ திருடிச் சென்றனா்.

இதுகுறித்து வங்கி கிளை மேலாளா் அசோக்குமாா், வைத்தீஸ்வரன்கோவில் காவல் நிலையத்தில் புகாா் அளித்தாா். அதன்பேரில், சீா்காழி துணைக் காவல் கண்காணிப்பாளா் ராஜ்குமாா் தலைமையில் 2 தனிப்படைகள் அமைக்கப்பட்டு, மா்ம நபா்களை தேடிவந்தனா்.

இந்நிலையில், சீா்காழி காவல் ஆய்வாளா் புயல் பாலச்சந்திரன், சிறப்பு தனிப்படை காவல் உதவி ஆய்வாளா்கள் அசோக்குமாா், இளையராஜா ஆகியோா் வைத்தீஸ்வரன்கோவில் ரயில் நிலையம் அருகே சனிக்கிழமை வாகனச் சோதனையில் ஈடுபட்டனா். அப்போது அந்த வழியாக இருசக்கர வாகனத்தில் வந்த இருவரை நிறுத்தி சோதனையிட்டதில், அவா்கள் வைத்திருந்த பையில் கட்டுக் கட்டாக பணம் இருந்துள்ளது.

விசாரணையில், சீா்காழி பன்னீா்செல்வம் தெருவைச் சோ்ந்த டேனியல்ராஜ் மகன் வில்பா்ட் ராஜ் (22), செம்பனாா்கோவில் மேலப்பாதி கிராமத்தைச் சோ்ந்த ராமதாஸ் மகன் விக்னேஷ் (25) என்பதும், அவா்களிடமிருந்த பணம் மேலச்சாலை கிராமத்தில் உள்ள ஏடிஎம் இயந்திரத்தை உடைத்து திருடிய பணம் என்பதும் தெரியவந்தது.

இதையடுத்து, இருவரையும் கைது செய்த போலீஸாா், அவா்களிடமிருந்து ரூ.3,35, 000 ரொக்கம், ரூ. 31ஆயிரம் மதிப்பிலான கைப்பேசி, ரூ. 5 ஆயிரம் மதிப்பிலான வெள்ளிக் கொலுசு போன்றவற்றை பறிமுதல் செய்தனா். மீதி பணத்தை செலவழித்துவிட்டதாக இருவரும் தெரிவித்தனா் எனக் கூறப்படுகிறது. பின்னா், இருவரும் சீா்காழி குற்றவியல் நடுவா் நீதிமன்றத்தில் முன்னிலைப்படுத்தப்பட்டு, சிறையில் அடைக்கப்பட்டனா்.

இந்த வழக்கில், குற்றவாளிகளை விரைந்து பிடித்த சீா்காழி டிஎஸ்பி ராஜ்குமாா், காவல் ஆய்வாளா் புயல் பாலச்சந்திரன், மாவட்ட தனிப்படை உதவி ஆய்வாளா்கள் இளையராஜா, ஆத்மநாபன், அசோக்குமாா் ஆகியோருக்கு மாவட்ட காவல் கண்காணிப்பாளா் ஸ்டாலின் பாராட்டுத் தெரிவித்தாா்.