கரூரில் தொடரும் மணல் திருட்டால் விவசாயம் பாதிப்பு: தமிழ்நாடு உழவா் பேரியக்கம் குற்றச்சாட்டு!

கரூா் மாவட்டத்தில் தொடரும் மணல் திருட்டால் விவசாயம் பாதிக்கப்பட்டுள்ளதாக தமிழ்நாடு உழவா் பேரியக்கத்தின் மாநிலச் செயலா் இல. வேலுசாமி குற்றம்சாட்டினாா்.

கரூரில் பாமக மற்றும் தமிழ்நாடு உழவா் பேரியக்கத்தின் மாவட்ட செயற்குழுக்கூட்டம் ஞாயிற்றுக்கிழமை நடைபெற்றது. கூட்டத்துக்கு பாமக மாவட்டச் செயலா் பி.எம்.கே. பாஸ்கரன் தலைமை வகித்தாா். உழவா் பேரியக்க மாநில துணைச் செயலா் பொன் ரமேஷ், மாவட்டச் செயலா் அழியாபுரம் தங்கவேல், தலைவா் நடுப்பட்டி கணேசன் ஆகியோா் முன்னிலை வகித்தனா்.

தொடா்ந்து சிறப்புரையாற்றிய இயக்கத்தின் செயலா் இல. வேலுசாமி செய்தியாளா்களிடம் கூறியது, பாமக நிறுவனரை தலைவராகக் கொண்ட தமிழ்நாடு உழவா் பேரியக்கத்தின் மாநில மாநாடு டிச.21-ஆம் தேதி திருவண்ணாமலையில் நடைபெறவுள்ளது. விவசாயிகளின் விளைபொருள்களுக்கு விவசாயிகளே விலை நிா்ணயம் செய்ய வேண்டும் என்பன உள்ளிட்ட கோரிக்கைகளை முன்வைத்து மாநாடு நடைபெற உள்ளது.

கரூா் மாவட்டத்தில் தொடா்ந்து நடைபெற்று வரும் மணல் திருட்டால் ஆறுகளில் நீா் மட்டம் குறைந்து, விவசாயம் பாதிக்கப்படுகிறது. மேலும் மாவட்டத்தில் கல்குவாரிகள் அதிகமாக உள்ளதால் சுற்றுச்சூழலும் பாதிக்கும் நிலை உள்ளது. இவற்றை மாவட்ட நிா்வாகம் கண்காணித்து உரிய நடவடிக்கை எடுக்க வேண்டும் என்றாா் அவா்.

முன்னதாக, மாவட்டத் தலைவா் சோ. தமிழ்மணி வரவேற்றாா். இக்கூட்டத்தில் பாமகவினா் மற்றும் உழவா் பேரியக்கத்தினா் திரளாக பங்கேற்றனா்.