காரில் சென்ற பெண்களை விரட்டிய வழக்கு: கல்லூரி மாணவா்கள் 4 போ் கைது

சென்னை அருகே முட்டுக்காட்டில் காரில் சென்ற பெண்களை விரட்டி, மிரட்டிய வழக்கில் கல்லூரி மாணவா்கள் 4 போ் கைது செய்யப்பட்டனா்.

கானத்தூா் பகுதியைச் சோ்ந்த இளம் பெண் ஒருவா், கடந்த 25-ஆம் தேதி அதிகாலை தனது தோழிகளுடன் காரில் முட்டுக்காடு பக்கிங்ஹாம் கால்வாய் பாலத்தை தாண்டிச் செல்லும்போது, இரு காா்கள் பின் தொடா்ந்து வழிமறித்தன. மேலும், அந்த காா்களில் வந்த நபா்கள், பெண்களை மிரட்டி தகராறு செய்தனா்.

இது தொடா்பாக பாதிக்கப்பட்ட பெண், கானத்தூா் காவல் நிலையத்தில் புகாா் அளித்ததன் அடிப்படையில் போலீஸாா் விசாரணை நடத்தினா். காரில் பின்தொடா்ந்து வந்த இளைஞா்கள், அப்பெண்களை விரட்டி, மிரட்டும் விடியோ காட்சி சமூக ஊடகங்களில் வேகமாகப் பரவி பரபரப்பை ஏற்படுத்தியது.

4 போ் கைது: இந்த விவகாரம் தொடா்பாக 4 பிரிவுகளில் போலீஸாா் வழக்குப் பதிந்து கல்லூரி மாணவா்கள் 4 பேரை கைது செய்தனா்.

இதுகுறித்து தாம்பரம் மாநகர காவல் துறையின் பள்ளிக்கரணை துணை ஆணையா் காா்த்திகேயன் வெள்ளிக்கிழமை அளித்த பேட்டி:

இச்சம்பவத்தில் 7 பேருக்கு தொடா்பிருப்பது விசாரணையில் தெரியவந்துள்ளது. இதில், காட்டாங்கொளத்தூரில் உள்ள தனியாா் கல்லூரியில் படிக்கும் மாணவா்கள் சந்தோஷ், தமிழ்குமரன், அஸ்வின், விஸ்வேஸ்வா் ஆகிய 4 போ் கைது செய்யப்பட்டுள்ளனா். தாம்பரத்தைச் சோ்ந்த சந்துரு உள்ளிட்ட 3 போ் இன்னும் கைது செய்யப்பட வேண்டும்.

இந்தச் சம்பவத்தில் கல்லூரி மாணவா்கள், தங்களது காா் மீது பாதிக்கப்பட்ட பெண்ணின் காா் லேசாக மோதிவிட்டு நிற்காமல் செல்வதாக நினைத்து விரட்டியுள்ளனா். ஆனால், உண்மையிலேயே அந்தப் பெண்ணின் காா், அவா்கள் காா் மீது இடிக்கவில்லை.

திமுக கொடி ஏன்?: கல்லூரி மாணவா்கள் வந்த காரில் திமுக கொடி கட்டப்பட்டிருந்தது குறித்து விசாரணை நடத்தப்பட்டது. இதில் அந்த காரை ஓட்டி வந்த நபா் சுங்கச்சாவடிகளிலும், கட்டண நிறுத்துமிடங்களிலும் இலவசமாக செல்வதற்கும், இலவசமாக நிறுத்துவதற்கும் காரில் திமுக கொடியைக் கட்டியுள்ளாா். அவருக்கும், அரசியல் கட்சிக்கும் தொடா்பில்லை.

வழக்கில் சிக்கியுள்ள தாம்பரத்தைச் சோ்ந்த சந்துரு மீது ஆள் கடத்தல் வழக்கும், ஒரு மோசடி வழக்கும் ஏற்கெனவே நிலுவையில் உள்ளன. கன்னியாகுமரியைச் சோ்ந்த அனிஷ் என்பவருக்குச் சொந்தமான காரை சந்துரு வாங்கி ஓட்டி வந்துள்ளாா். டிப்ளமோ படித்துள்ள சந்துரு, கைப்பேசி விற்பனையகம் நடத்தி வந்துள்ளாா். அவா் நிரந்தரமாக எந்தத் தொழிலும் செய்யவில்லை.

சம்பவத்தன்று சந்துரு, கைது செய்யப்பட்ட சந்தோஷ் உள்ளிட்டோா் இரு காா்களில் கிழக்கு கடற்கரைச் சாலைக்கு சுற்றிப் பாா்க்கும் நோக்கத்துடன் வந்துள்ளனா். அவா்களிடம் வேறு எந்த நோக்கமும் இருந்ததாகத் தெரியவில்லை.

பாதுகாப்பு அதிகரிப்பு: வழக்கில் தொடா்புடைய 7 பேரில் 5 போ் காட்டங்கொளத்தூரில் உள்ள ஒரு கல்லூரியில் படிக்கின்றனா். ஒருவா் வெளிமாநிலத்திலுள்ள ஒரு கல்லூரியில் படித்து வருகிறாா். வழக்குப் பதிவில் எந்தத் தாமதமும் ஏற்படவில்லை. இந்த வழக்கை காவல் துறை நடுநிலைமையுடன், நோ்மையாக விசாரணை நடத்துகிறது.

இச்சம்பவத்தின் விளைவாக கிழக்கு கடற்கரைச் சாலைப் பகுதியில் பாதுகாப்பு மேலும் அதிகரிக்கப்பட்டுள்ளது. குறிப்பாக, முட்டுக்காடு பகுதியில் கூடுதலாக கண்காணிப்பு கேமராக்கள் பொருத்தப்பட உள்ளன. அதேபோல கிழக்கு கடற்கரைச் சாலையில் காவல் துறையினரின் ரோந்துப் பணி மேலும் தீவிரப்படுத்தப்படவுள்ளது என்றாா் அவா்.