அரசியல் துணிச்சல் இல்லாமல் இந்தியா-அமெரிக்கா நல்லுறவு ஏற்பட்டிருக்காது: பைடன்
அறச்சலூா் காவல் நிலையத்தில் காவலா்கள் மகனைத் தாக்கியதால் மன உளைச்சலில் தந்தை உயிரிழந்தது குறித்த புகாருக்கு காவல் துறை மறுப்பு தெரிவித்துள்ளது.
ஈரோடு மாவட்டம், அறச்சலூா் அருகே உள்ள வடுகபட்டி வினோபா நகரைச் சோ்ந்தவா் ராஜேந்திரன் (55) என்ற சித்தா். இவா், தனது இளைய மகனுடன் இருசக்கர வாகனத்தில் கடந்த 23-ஆம் தேதி சென்றுள்ளாா். அறச்சலூா் காவல் நிலையம் முன் சென்றபோது அங்கிருந்த சாலை தடுப்பில் மோதிவிட்டு நிற்காமல் சென்றுள்ளாா். பொதுமக்கள் சப்தம்போட்டதால் அவா் தானாக காவல் நிலையத்துக்கு சென்றுள்ளாா்.
அப்போது, ராஜேந்திரன் மதுபோதையில் இருந்தது தெரியவந்தது. இதையடுத்து, மதுபோதையில் வாகனம் ஓட்டியதாக போலீஸாா் வழக்குப் பதிவு செய்தனா். தொடா்ந்து, ராஜேந்திரனின் சகோதரா் வீரக்குமாரை வரவழைத்து அவருடன் அனுப்பிவைக்க காவலா்கள் முயற்சித்துள்ளனா்.
அப்போது, அங்குவந்த ராஜேந்திரனின் மூத்த மகன் பவித்திரன் வழக்குப் பதிவு செய்ததற்கு ஆட்சேபணை தெரிவித்ததுடன், பறிமுதல் செய்யப்பட்ட இருசக்கர வாகனத்தைத் திரும்பக் கேட்டு காவலா்களுடன் வாக்குவாதத்தில் ஈடுபட்டு கைப்பேசியில் புகைப்படம் எடுத்துள்ளாா். அப்போது, அவரது உறவினா்களும் காவல் நிலையத்துக்கு வந்துள்ளனா்.
இதையடுத்து, போலீஸாா் அவா்களிடம் பேச்சுவாா்த்தை நடத்தி அனைவரையும் வீட்டுக்கு அனுப்பிவைத்தனா்.
இந்நிலையில் கடந்த 24-ஆம் தேதி அதிகாலை 2 மணி அளவில் ராஜேந்திரன் உயிரிழந்துள்ளாா். தன்னைக் காவலா்கள் தாக்கியதால்தான் மன வேதனை அடைந்த தன் தந்தை உயிரிழந்ததாக பவித்திரன் அறச்சலூா் காவல் நிலையத்தில் புகாா் அளித்தாா்.
இதன்பேரில் வழக்குப் பதிவு செய்த காவல் துறையினா் கோட்டாட்சியா் விசாரணைக்கு பரிந்துரை செய்துள்ளனா்.
இந்நிலையில், கவால் நிலையத்தில் நிகழ்ந்த சம்பவம் அனைத்தும் சிசிடிவி கேமராவில் பதிவாகியுள்ளதாகவும், பவித்திரன் தெரிவித்த குற்றச்சாட்டு தவறானது என்றும் மறுப்பு தெரிவித்து காவல் துறை வியாழக்கிழமை அறிக்கை வெளியிட்டுள்ளது.
இச்சம்பவம் குறித்து தவறான தகவல்கள் பரப்புவோா் மீது தகுந்த நடவடிக்கை எடுக்கப்படும் என்று மாவட்ட காவல் துறை சாா்பில் தெரிவிக்கப்பட்டுள்ளது.
