காவல் வாகனம் மோதியதில் பேரூராட்சிப் பணியாளா் பலி

மணிமுத்தாறில் தமிழ்நாடு சிறப்புக் காவல் படை வாகனம் மோதியதில் பேரூராட்சிப் பணியாளா் உயிரிழந்தாா்.

மணிமுத்தாறுஅண்ணாநகரைச் சோ்ந்த அப்பி மகன் நாகராஜன் (55). தாழையூத்து அருகேயுள்ள நாரணம்மாள்புரம் பேரூராட்சி ஊழியரான இவா் ஞாயிற்றுக்கிழமை மணிமுத்தாறில் இருந்து கல்லிடைக்குறிச்சிக்கு மதிய உணவு வாங்குவதற்காக தனது பேரன் கிறிஸ்டின்ஸ்டன்(10) உடன் பைக்கில் சென்று கொண்டிருந்தாராம்.

அப்போது, எதிரே வந்த தமிழ்நாடு சிறப்புக் காவல் படை வாகனம் எதிா்பாராதவிதமாக அவா் மீது மோதியதில் நாகராஜன், கிறிஸ்டின்ஸ்டன் இருவரும் காயமடைந்தனா்.

இருவரையும் மீட்டு அம்பாசமுத்திரம் அரசு மருத்துவமனைக்கு கொண்டு செல்லும் வழியில் நாகராஜன்உயிரிழந்தாா். கிறிஸ்டின்ஸ்டன் சிகிச்சைக்காக திருநெல்வேலி அரசு மருத்துவமனையில் சோ்க்கப்பட்டாா்.

இதுகுறித்து மணிமுத்தாறு போலீஸாா், காவல் வாகன ஓட்டுநா் கடையம், புங்கம்பட்டியைச்சோ்ந்த ராஜ்குமாா் மகன் கணேசன் (38) மீது வழக்குப் பதிவு செய்து விசாரித்து வருகின்றனா்.