சென்னையில் அரசு மருத்துவா் தாக்கப்பட்டதைக் கண்டித்தும், பணி பாதுகாப்பு சட்டத்தை நிறைவேற்றக் கோரியும் கிருஷ்ணகிரியில் அரசு மருத்துவா்கள், மருத்துவக் கல்லூரி மாணவா்கள் வியாழக்கிழமை ஆா்ப்பாட்டத்தில் ஈடுபட்டனா்.
கிருஷ்ணகிரி அரசு மருத்துவக் கல்லூரி மருத்துவமனை அருகே தமிழ்நாடு அரசு மருத்துவா்கள் சங்கம் சாா்பில் நடைபெற்ற இந்த ஆா்ப்பாட்டத்துக்கு அதன் மாவட்டத் தலைவா் முத்துசாமி, செயலாளா் கோகுல் ஆகியோா் தலைமை வகித்தனா். அரசு மருத்துவா்கள், பட்டமேற்படிப்பு மாணவா்கள் கூட்டமைப்பின் தலைவா் பாலசந்தா், துணைத் தலைவா்கள் கேசவன், பிரகாஷ், தமிழ்நாடு அரசு ஊழியா் சங்க மாவட்டச் செயலாளா் கல்யாணசுந்தரம், பொருளாளா் தினேஷ், மாவட்ட மகளிா் துணைக் குழு அமைப்பாளா் ஜெகதாம்பிகா, மருத்துவக் கல்லூரி மாணவா்கள் உள்ளிட்டோா் ஆா்ப்பாட்டத்தில் பங்கேற்றனா்.
மருத்துவா்களை பணியின்போது பாதுகாக்கும் வகையில் நாடு முழுவதும் மருத்துவா்களுக்கான ஒரே மாதிரியான பாதுகாப்புச் சட்டத்தை இயற்ற வேண்டும். ஒவ்வொரு அரசு மருத்துவமனைக்கும் நிலையான, உறுதியான பாதுகாப்பு வழங்க வேண்டும்.
மருத்துவமனையை பாதுகாக்கப்பட்ட பகுதியாக அறிவிக்க வேண்டும். மருத்துவ பணியாளா்களை தாக்குபவா்களை விரைவாகவும், கடுமையாகவும் தண்டிக்க வேண்டும். ஒவ்வொரு மருத்துவமனைக்கும் கூடுதலாக காவலா்களை நியமிக்க வேண்டும் என்பன உள்ளிட்ட பல்வேறு கோரிக்கைகளை நிறைவேற்ற வலியுறுத்தி ஆா்ப்பாட்டத்தில் பங்கேற்றோா் முழக்கங்களை எழுப்பினா்.
இதனால், கிருஷ்ணகிரி அரசு மருத்துவக் கல்லூரி மருத்துவமனையில் புறநோயாளி பிரிவில் மருத்துவ சேவை பாதிக்கப்பட்டது.
