அடையாளம் தெரியாத வாகனம் மோதி இளைஞா் சாவு

அளேசீபம் அருகே அடையாளம் தெரியாத வாகனம் மோதி இளைஞா் உயிரிழந்தாா்.

தேன்கனிக்கோட்டை வட்டம், அளேசீபம் அருகே வரதராஜபுரத்தை சோ்ந்தவா் மாது மகன் வரதராஜ் (19). இவரும், கொப்பகரை அருகே உள்ள மூக்கானூரைச் சோ்ந்த திருமலை (21) என்பவரும் இருசக்கர வாகனத்தில் ராயக்கோட்டை- ஒசூா் சாலை பிள்ளாரி அக்ரஹாரம் பேருந்து நிறுத்தம் அருகே கடந்த 1-ஆம் தேதி மாலை வந்து கொண்டிருந்தனா்.

இருசக்கர வாகனத்தை வரதராஜ் ஓட்டி வந்தாா். திருமலை பின்னால் அமா்ந்திருந்தாா். அப்போது அவ்வழியாக வந்த அடையாளம் தெரியாத வாகனம் அவா்கள் மீது மோதியது. இதில் பலத்த காயமடைந்த 2 பேரையும் அந்த வழியாகச் சென்றவா்கள் மீட்டு சிகிச்சைக்காக கிருஷ்ணகிரி அரசு மருத்துவ கல்லூரி மருத்துவமனைக்கு அனுப்பிவைத்தனா்.

ஆனால், மருத்துவமனைக்கு செல்லும் வழியிலேயே வரதராஜ் உயிரிழந்தாா். காயமடைந்த திருமலை சிகிச்சை பெற்று வருகிறாா். இந்த விபத்து குறித்து ராயக்கோட்டை காவல் ஆய்வாளா் பெரியதம்பி வழக்குப் பதிவு செய்து விசாரணை நடத்தி வருகிறாா்.