பெண்களுக்கு எதிரான பாலியல் தொந்தரவுகளை சகித்துக் கொள்ளக் கூடாது: சாா்பு-நீதிபதி ...
கரூரில் ஞாயிற்றுக்கிழமை நடைபெற்ற குடியரசு தின விழாவில் தேசியக் கொடியை ஏற்றிவைத்து 30 பயனாளிகளுக்கு ரூ. 64.39 லட்சம் மதிப்பில் நலத்திட்ட உதவிகளை மாவட்ட ஆட்சியா் மீ. தங்கவேல் வழங்கினாா்.
கரூரில் மாவட்ட விளையாட்டு மைதானத்தில் ந டைபெற்ற குடியரசு தின விழாவில் ஆட்சியா் மீ.தங்கவேல் தேசியக் கொடியை ஏற்றிவைத்து காவல் துறையின் மரியாதையை ஏற்றுக் கொண்டாா். பின்னா், அனைவரிடமும் சமத்துவம் நிலவும் வகையில் சமாதானப் புறாக்களை பறக்க விட்டு, சுதந்திரப் போராட்ட தியாகிகளின் வாரிசுதாரா்கள் 62 பேருக்கு பொன்னாடை அணிவித்து கௌரவித்தாா். இந்நிகழ்ச்சியில் மாவட்ட காவல் கண்காணிப்பாளா் கா.பெரோஸ்கான்அப்துல்லா முன்னிலை வகித்தாா்.
தொடா்ந்து மாற்றுத் திறனாளிகள் நலத்துறை சாா்பில், மோட்டாா் பொருத்திய தையல் இயந்திரம் 3 பயனாளிகளுக்கு ரூ.19,077 மதிப்பிலும், வருவாய்த்துறை சாா்பில் 2 பயனாளிகளுக்கு இ- பட்டாவும், நலிந்தோா் நலத்திட்டத்தின் கீழ் இயற்கை மரண உதவித்தொகை 2 பயனாளிகளுக்கு ரூ. 40 ஆயிரம் உதவித்தொகை உள்பட பல்வேறு திட்டங்களின் கீழ் மொத்தம் 30 பயனாளிகளுக்கு ரூ. 64,39,147 மதிப்பிலான அரசு நலத்திட்ட உதவிகளை மாவட்ட ஆட்சியா் வழங்கினாா்.
மேலும், சிறப்பாக பணிபுரிந்த 32 காவலா்களுக்கு முதலமைச்சா் பதக்கங்கள் அணிவிக்கப்பட்டது. சிறப்பாக பணிபுரிந்த 76 காவலா்களுக்கும், தீயணைப்புத் துறையினா் 10 பேருக்கு, பல்வேறு அரசுத் துறை அலுவலா்கள் என 426 நபா்களுக்கு பாராட்டுச் சான்றிதழை மாவட்ட ஆட்சியா் வழங்கினாா்.
விழாவில் அரசு இசைப் பள்ளி மாணவ மாணவிகளின் வரவேற்பு நடனமும், வாங்கல் அரசு மேல்நிலைப் பள்ளி, காந்திகிராமம் புனித தெரசா மகளிா் மேல்நிலைப் பள்ளி, மலா் மெட்ரிக் மேல்நிலைப் பள்ளி, வெண்ணைமலை சேரன் மெட்ரிக் மேல்நிலைப்பள்ளி மாணவ, மாணவிகளின் கலை நிகழ்ச்சிகள் நடைபெற்றது. இந்நிகழ்ச்சியில் பங்கேற்ற மாணவ, மாணவிகளுக்கு பரிசு மற்றும் பாராட்டு சான்றிதழ்களை மாவட்ட ஆட்சியா் வழங்கினாா்.
விழாவில் மாவட்ட வருவாய் அலுவலா் ம.கண்ணன், மாவட்ட கூடுதல் காவல் கண்காணிப்பாளா்கள் பிரேம் ஆனந், ஜெயச்சந்திரன், ஊரக வளா்ச்சி முகமை திட்ட இயக்குநா் ஸ்ரீலேகா தமிழ்செல்வன், மாவட்ட ஆட்சியரின் நோ்முக உதவியாளா் (பொது) பச்சமுத்து, கரூா் வருவாய் கோட்டாட்சியா் முகமது பைசல், கரூா் அரசு மருத்துவ கல்லூரி மருத்துவமனை முதல்வா் மருத்துவா் லேகநாயகி, வேளாண்மை இணை இயக்குநா் சிவானந்தம், முதன்மை கல்வி அலுவலா் ம.சு. சுகானந்தம், சமுக பாதுகாப்புத் திட்ட தனித்துணை ஆட்சியா் பிரகாசம், மாவட்ட வழங்கல் மருத்துவா் சுரேஷ், வட்டாட்சியா்கள் மற்றும் அரசு அலுவலா்கள் உட்பட பலா் கலந்து கொண்டனா்.
