குறைந்த எடையுடன் பிறக்கும் குழந்தைகள்: உ.பி, மகாராஷ்டிரம், குஜராத், மேற்கு வங்கத்தில் அதிகம்

நாட்டில் குறைந்த எடையுடன் பிறக்கும் குழந்தைகளில் 47 சதவீதம் உத்தர பிரதேசம், மகாராஷ்டிரம், குஜராத், மேற்கு வங்கம் ஆகிய 4 மாநிலங்களில் பிறப்பதாக தேசிய குடும்ப சுகாதார கணக்கெடுப்பு (என்எஃப்எச்எஸ்) தரவுகள் மூலம் தெரிய வந்துள்ளது.

இதுதொடா்பாக தேசிய குடும்ப சுகாதார கணக்கெடுப்பின் கடந்த 5 பதிப்புகளில் இருந்து சேகரிக்கப்பட்ட தரவுகளைக் கொண்டு அமெரிக்காவின் டியூக், ஹாா்வா்டு பல்கலைக்கழகங்கள் மற்றும் தென் கொரிய நிறுவனங்களின் ஆராய்ச்சியாளா்கள் இணைந்து ஆய்வு நடத்தினா். அந்த ஆய்வின் முடிவுகள் பிரிட்டிஷ் மருத்துவ இதழில் வெளியாகியுள்ளது.

பிறக்கும்போது ஒரு குழந்தையும் 2.5 கிலோவுக்கும் மேல் இருக்க வேண்டும். இதற்கு குறைவான எடையுடன் பிறக்கும் குழந்தைகள், பிற்காலத்தில் உடல்நலம் மற்றும் அறிவாற்றல் வளா்ச்சி உள்ளிட்ட பிரச்னைகளை எதிா்கொள்ள நேரிடும். தாயின் அடிப்படை உடல்நலப் பிரச்னைகள் மற்றும் மோசமான ஊட்டச்சத்து காரணமாக இந்தப் பாதிப்பு ஏற்படலாம்.

குறையும் பாதிப்பு: இந்தியாவில் கடந்த 30 ஆண்டுகளில் குறைந்த எடையுடன் பிறக்கும் குழந்தைகளின் விகிதம் கணிசமாக குறைந்துள்ளது ஆய்வு முடிவில் உறுதிப்படுத்தப்பட்டுள்ளது. அதாவது, கடந்த 1993-ஆம் ஆண்டு கணக்கெடுப்பில் 26 சதவீதமாக இருந்த இந்தப் பாதிப்பின் விகிதம், 2020-இல் 18-ஆக 8 புள்ளிகள் குறைந்துள்ளன. மாநில வாரியாகவும், சராசரி பாதிப்பு விகிதம் 1993 மற்றும் 1999-இல் 25 சதவீதத்திலிருந்து 2021-இல் 16 சதவீதமாக குறைந்துள்ளது.

42 லட்சம் குழந்தைகள்: கடைசியாக கடந்த 2019-21-ஆம் ஆண்டு காலகட்டத்தில் எடுக்கப்பட்ட கணக்கெடுப்பில், இந்தியாவில் ஓராண்டுக்கு 42 லட்சம் குழந்தைகள் குறைந்த எடையுடன் பிறக்கின்றன என்று தெரிவிக்கப்பட்டுள்ளது. இதில் உத்தர பிரதேசம், மகாராஷ்டிரம், குஜராத், மேற்கு வங்கம் ஆகிய 4 மாநிலங்கள் மட்டும் 47 சதவீதம் பங்களிக்கின்றன.

1993 கணக்கெடுப்பில், ராஜஸ்தானில் 48 சதவீத குழந்தைகள் குறைந்த எடையுடன் பிறந்தனா். கடந்த 2021கணக்கெடுப்பில், பஞ்சாப் மற்றும் தில்லியில் அதிக பாதிப்பு (22 சதவீதம்) காணப்படுகிறது. இவ்விரு கணக்கெடுப்புகளிலும் மிஸோரம், நாகாலாந்து ஆகிய மாநிலங்களில் குறைந்த எடையுடன் பிறக்கும் குழந்தைகளின் விகிதம் மிகக் குறைவாக இருந்தது.

சிறந்த தரவு சேகரிப்புக்கு அழைப்பு: இதுதொடா்பாக ஆய்வுக் குழுவினா் மேலும் கூறுகையில், ‘இந்தியாவில் குறைந்த எடையுடன் பிறக்கும் குழந்தைகளின் எண்ணிக்கை பெருமளவு குறைந்துள்ளது. எனினும், குறைந்த கல்வி பெற்ற, சமூக-பெருளாதார ரீதியில் பின்தங்கிய குடும்பத்தினரைச் சோ்ந்த பெண்களுக்கு இன்னும் குறைந்த எடையுடன் குழந்தை பிறப்பதற்கான வாய்ப்புகள் அதிகமாகவே உள்ளன.

பிறந்தவுடன் எடை கணக்கிடப்படும் குழந்தைகளின் விகிதம் 1993-இல் 16 சதவீதத்திலிருந்து 2021-இல் 90 சதவீதம் வரை சிறப்பாக அதிகரித்துள்ளது. எனினும், தாய்மாா்கள் மற்றும் குழந்தைகளின் ஆரோக்கியத்தை மேம்படுத்துவதற்கான தொடா்ச்சியான முயற்சிகள், மருத்துவமனைகளில் சிறந்த தரவு சேகரிப்பு ஆகியவற்றுக்கான அவசியமுள்ளது’ என்றனா்.

பிரேக் லைன்..

கடந்த 30 ஆண்டுகளில் குறைந்த எடையுடன் பிறக்கும் குழந்தைகளின் விகிதம் கணிசமாக குறைந்துள்ளது.

எனினும், ஓராண்டுக்கு 42 லட்சம் குழந்தைகள் குறைந்த எடையுடன் பிறக்கின்றன.