கோவை ரத்தினபுரியில் உள்ள ஐசிடிஎஸ் குழந்தைகள் மைய வளாகத்தில் ஊட்டச்சத்து குறைபாடு உள்ள குழந்தைகளின் தாய்மாா்களுக்கு ஊட்டச்சத்துப் பெட்டகத்தை கோவை மக்களவை உறுப்பினா் கணபதி ப.ராஜ்குமாா், மாவட்ட ஆட்சியா் கிராந்திகுமாா் பாடி ஆகியோா் வெள்ளக்கிழமை வழங்கினா்.
குழந்தைகளின் ஊட்டச்சத்து குறைபாட்டினை நீக்க ‘ஊட்டச்சத்தை உறுதி செய்’ என்ற புதிய திட்டத்தை நீலகிரி மாவட்டம், தொட்டபெட்டா ஊராட்சி முத்தோரை குழந்தைகள் மையத்தில் கடந்த 2022-ஆம் ஆண்டு முதல்வா் தொடங்கிவைத்தாா்.
இத்திட்டத்தின் கீழ் கோவை ரத்தினபுரியில் உள்ள ஐசிடிஎஸ் குழந்தைகள் மைய வளாகத்தில் ஊட்டச்சத்து குறைபாடு உள்ள 20 குழந்தைகளின் தாய்மாா்களுக்கு ஊட்டச்சத்துப் பெட்டகத்தை கோவை மக்களவை உறுப்பினா் கணபதி ப.ராஜ்குமாா், மாவட்ட ஆட்சியா் கிராந்திகுமாா் பாடி ஆகியோா் வழங்கினா்.
இந்தப் பெட்டகத்தில் ஒரு நெய் பாட்டில், புரோட்டின் பவுடா் 2 பாக்கெட்டுகள், ஒரு இரும்புச்சத்து டானிக், பேரிச்சம்பழம் 2 பாக்கெட்டுகள் உள்ளிட்ட பொருள்கள் உள்ளன.
இந்த நிகழ்ச்சியில், மேயா் கா.ரங்கநாயகி, மாநகராட்சி ஆணையா் மா.சிவகுரு பிரபாகரன், துணை மேயா் ரா.வெற்றிச்செல்வன், பணிக் குழுத் தலைவா் சாந்தி முருகன், சுகாதார குழுத் தலைவா் மாரிச்செல்வன், மண்டல குழுத் தலைவா் மீனா லோகு உள்ளிட்டோா் உடனிருந்தனா்.
