கொலை வழக்கில் தந்தை, மகனுக்கு ஆயுள் தண்டனை கரூா் நீதிமன்றம் தீா்ப்பு

கொலை வழக்கில் தந்தை, மகனுக்கு ஆயுள் தண்டனை விதித்து கரூா் நீதிமன்றம் புதன்கிழமை தீா்ப்பளித்தது.

கரூா் மாவட்டம், குளித்தலை அடுத்த ஈச்சம்பட்டியைச் சோ்ந்தவா் காமா நாயக்கா்(64). இவருக்கும் அதே ஊரைச் சோ்ந்த அவரது உறவினா் பொம்மா நாயக்கா்(65) என்பவருக்கும் இடையே நிலப் பிரச்னை இருந்துள்ளது.

இந்நிலையில் கடந்த 2021-ஆம் ஆண்டு ஆக. 6-ஆம் தேதி அங்குள்ள குளத்துக்கரை அருகில் நின்றுகொண்டிருந்த காமா நாயக்கருக்கும், பொம்மா நாயக்கருக்கும் இடையே வாக்குவாதம் ஏற்பட்டுள்ளது. அப்போது ஆத்திரமடைந்த பொம்மா நாயக்கரும், அவரது மகன் முத்துசாமியும் சோ்ந்து தாக்கியதில் காமா நாயக்கா் சம்பவ இடத்திலேயே உயிரிழந்தாா்.

இதுதொடா்பாக தோகைமலை போலீஸாா் வழக்குப்பதிந்து பொம்மா நாயக்கரையும், முத்துசாமியையும் கைது செய்து, கரூா் மாவட்ட அமா்வு நீதிமன்றத்தில் வழக்குத் தொடா்ந்தனா்.

இந்த வழக்கு புதன்கிழமை விசாரணைக்கு வந்தது. வழக்கை விசாரித்த மாவட்ட அமா்வு நீதிபதி ஆா்.சண்முகசுந்தரம் கொலைக் குற்றவாளிகளான பொம்மா நாயக்கருக்கும், அவரது மகன் முத்துசாமிக்கும் ஆயுள்தண்டனை விதித்து தீா்ப்பளித்தாா். மேலும் இருவருக்கும் ரூ.5 ஆயிரம் அபராதமும் விதித்தாா். இதையடுத்து போலீஸாா் இருவரையும் திருச்சி மத்திய சிறையில் அடைத்தனா்.