செய்திகள் :

கொள்ளிடம் ஆற்றின் கதவணை திறப்பதாக அறிவிப்பு: கே.பாலகிருஷ்ணன் நன்றி

post image

கடலூா் மாவட்டம், காட்டுமன்னாா்கோவில் அருகே கொள்ளிடம் ஆற்றின் குறுக்கே கட்டப்பட்ட கதவணையை விரைவில் திறப்பதாக அறிவித்த நீா்வளத்துறை அமைச்சருக்கு மாா்க்சிஸ்ட் கம்யூனிஸ்ட் மத்தியக்குழு உறுப்பினா் கே.பாலகிருஷ்ணன் நன்றி தெரிவித்தாா்.

இதுகுறித்து, அவா் வெளியிட்ட செய்திக் குறிப்பு: கொள்ளிடம் ஆற்றில் உள்ள லோயா் அணைக்கட்டுக்கு கீழே சுமாா் 120 கி.மீ அளவுக்கு தண்ணீரை தேக்குவதற்கான எந்த அணையும் கட்டப்படாமல் தண்ணீா் வீணாகி வந்தது.

இந்த நிலையில், கடலூா், மயிலாடுதுறை மாவட்டங்களில் பல்லாயிரக்கணக்கான விளைநிலங்கள் பாசன வசதி பெறும் வகையில், ஆதனூா்-குமாரமங்கலம் ஆகிய கிராமங்களுக்கு இடையில் கொள்ளிடம் ஆற்றின் குறுக்கே கதவணை கட்ட வேண்டும் என்று மாா்க்சிஸ்ட் கம்யூனிஸ்ட் மற்றும் பல அமைப்புகள் வலியுறுத்தி வந்தன.

அதன்படி, கடந்த 2012-இல் சட்டப் பேரவையில் நான் மேற்கண்ட அணையைக் கட்ட வேண்டுமென வலியுறுத்தியதன் அடிப்படையில், அப்போதைய முதல்வா் ஜெயலலிதா ரூ.400 கோடியில் அணை கட்டப்படும் என்று அறிவித்தாா். ஆனால், பல்வேறு காரணங்களால் அதற்கு நிதி ஒதுக்கீடு செய்வதில் தாமதம் ஏற்பட்ட நிலையில், மீண்டும் வலியுறுத்தியதையடுத்து, நிதி ஒதுக்கீடு செய்யப்பட்டு அணை முழுமையாக கட்டப்பட்டது.

இந்த நிலையில், தற்போது நடைபெற்று வரும் பேரவைக் கூட்டத்தில், மாா்க்சிஸ்ட் கம்யூனிஸ்ட் கட்சியின் சட்டப்பேரவைக் குழு தலைவா் நாகை மாலி வலியுறுத்தியன் அடிப்படையில், நீா்வளத்துறை அமைச்சா் துரைமுருகன் அணையில் இறுதி பணிகள் முடிக்கப்பட்டு பேரவை கூட்டம் முடிவதற்குள் கதவணை திறக்கப்படும் என அறிவித்தாா். இதற்கு எனது மனமாா்ந்த நன்றியை தெரிவித்துக் கொள்கிறேன் என தெரிவிக்கப்பட்டுள்ளது.

அக்னிவீரா் பிரிவுகளுக்கு விண்ணப்பங்கள் வரவேற்பு

கடலூா் மாவட்டத்தைச் சோ்ந்தவா்களிடம் இருந்து அக்னிவீரா் பிரிவுகளுக்கு விண்ணப்பங்கள் வரவேற்கப்படுவதாக மாவட்ட ஆட்சியா் சிபி ஆதித்யா செந்தில்குமாா் தெரிவித்தாா். இதுகுறித்து அவா் வியாழக்கிழமை வெளியிட்ட ச... மேலும் பார்க்க

ஊரக வளா்ச்சித் துறை பணிகள்: ஆட்சியா் ஆய்வு

கடலூா் மாவட்டம், சிதம்பரம் அருகே மேல்புவனகிரி ஊராட்சி ஒன்றியத்துக்குள்பட்ட பகுதியில் ஊரக வளா்ச்சித் துறை சாா்பில் மேற்கொள்ளப்படும் பல்வேறு பணிகளை மாவட்ட ஆட்சியா் சிபி ஆதித்யா செந்தில்குமாா் வியாழக்கிழ... மேலும் பார்க்க

தங்க நகை திருட்டு: காா் ஓட்டுநா் கைது

சிதம்பரம் அருகே காரில் சென்றவா்களிடம் 4 பவுன் தங்க நெக்லஸை திருடியதாக காா் ஓட்டுநரை அண்ணாமலைநகா் போலீஸாா் வியாழக்கிழமை கைது செய்தனா். சிதம்பரம் அருகே உள்ள அம்மாப்பேட்டை ராஜாநகா் பகுதியைச் சோ்ந்தவா் ர... மேலும் பார்க்க

இலவச யோகா பயிற்சி

புவனகிரி வட்டம், வயலாமூா் கிராமத்தில் திருச்சிற்றம்பலம் மனவளக்கலை மன்ற தவ மையம் சாா்பில், இலவச யோகா பயிற்சி முகாம் தொடக்க விழா வியாழக்கிழமை நடைபெற்றது. நிகழ்ச்சியை அண்ணாமலைப் பல்கலைக்கழக வணிக மேலாண்மை... மேலும் பார்க்க

வேளாண் கல்லூரி மாணவிகள் விழிப்புணா்வுப் பேரணி

சிதம்பரத்தில் நடைபெற்ற வேளாண் விழிப்புணா்வுப் பேரணியில் பங்கேற்ற தனலட்சுமி சீனுவாசன் வேளாண் கல்லூரி மாணவிகள். சிதம்பரம், ஏப்.3: சிதம்பரம் ராமகிருஷ்ணா வித்தியாசாலா மேல்நிலைப் பள்ளியில் தனலட்சுமி சீனிவ... மேலும் பார்க்க

கடல் சாா்ந்த பொருள்கள் மதிப்புக் கூட்டுதல் பயிற்சிக்கு முன்பதிவு செய்யலாம்

தமிழக அரசின் தொழில்முனைவோா் மேம்பாடு மற்றும் புத்தாக்க நிறுவனத்தின் சாா்பில், கடல் சாா்ந்த பொருள்கள் மதிப்புக் கூட்டுதல் பயிற்சி வகுப்பு வரும் 15-ஆம் தேதி தொடங்கி 17-ஆம் தேதி வரை 3 நாள்கள் கடலூரை அடுத... மேலும் பார்க்க