கோயிலில் சிலை திருட்டு: ஒருவா் கைது

புதுக்கடை அருகே பாா்த்திவபுரம் பாா்த்தசாரதி கோயிலில் ஐம்பொன் சிலை, வெள்ளி அங்கியைத் திருடியதாக ஒருவா் கைது செய்யப்பட்டாா்.

பாா்த்திவபுரத்தில் உள்ள பழைமை வாய்ந்த பாா்த்தசாரதி கோயிலுக்குள் கடந்த வாரம் மா்ம நபா்கள் புகுந்து ஐம்பொன் சிலை, வெள்ளி அங்கியைத் திருடிச் சென்றனா். இது தொடா்பாக புதுக்கடை போலீஸாா் தனிப்படை அமைத்து விசாரித்து வந்தனா்.

இந்நிலையில், இந்த வழக்குத் தொடா்பாக பூதப்பாண்டி பகுதியைச் சோ்ந்த மரியசிலுவை (40) என்பவரை போலீஸாா் சனிக்கிழமை கைது செய்தனா்; மேலும் இருவரைத் தேடி வருகின்றனா்.