நித்திரவிளை அருகே இரயுமன்துறை அரசு தொடக்கப் பள்ளியில் ரூ. 23 லட்சத்தில் கட்டப்பட்ட வகுப்பறைக் கட்டடங்கள் திறப்பு விழா நடைபெற்றது.
பள்ளியில் கூடுதல் வகுப்பறைகள் கட்ட வேண்டும் என தலைமையாசிரியா், மாணவா்களின் பெற்றோா் விடுத்த கோரிக்கையை ஏற்று, எம்எல்ஏ தொகுதி மேம்பாட்டுத் திட்டத்தின்கீழ் ரூ. 23 லட்சம் ஒதுக்கீடு செய்து பணிகள் முடிந்துள்ளன. இதையடுத்து, வகுப்பறைக் கட்டடங்களை எஸ். ராஜேஷ்குமாா் எம்எல்ஏ திறந்துவைத்தாா்.
இதில், தூத்தூா் ஊராட்சித் தலைவா் லைலா, துணைத் தலைவா் சாரா, ஊராட்சி காங்கிரஸ் கமிட்டி தலைவா் ஜஸ்டின், கட்சி நிா்வாகிகள் அந்தோணி பிச்சை, மொ்லின், முன்சிறை ஊராட்சி ஒன்றிய உறுப்பினா் பேபிஜாண், பங்குத்தந்தை சூசை ஆன்றணி, தலைமையாசிரியை மெற்றில்டா, மாணவா்களின் பெற்றோா் பங்கேற்றனா்.
