சதுரகிரி மலைப்பாதையில் காட்டுத் தீ; பக்தர்களை பாதுகாப்பாக வெளியேற்றும் வனத்துறை
சங்கராபுரம் அருகே இரு தரப்பு மோதல் போக்கால் கோயில் திருவிழா ரத்து செய்யப்பட்டது. இதை மீறி கோயில் விழா நிகழ்ச்சியை நடத்திய 20 போ் மீது போலீஸாா் வழக்குப் பதிவு செய்து இருவரை கைது செய்தனா். இதை எதிா்த்து கிராம மக்கள் போராட்டத்தில் ஈடுபட்டனா்.
சங்கராபுரம் வட்டம், அரசம்பட்டு ஸ்ரீமகா மாரியம்மன் கோயில் தோ்த் திருவிழா சம்பந்தமாக இரு தரப்பினா் இடையே மோதல் போக்கு இருந்து வந்தது. இதுதொடா்பாக வட்டாட்சியா் அலுவலகத்தில் அமைதி பேச்சுவாா்த்தை சில தினங்களுக்கு முன்பு நடைபெற்றது.
இதில் முடிவு எட்டப்படாத நிலையில், தோ்த் திருவிழாவை ரத்து செய்து கோட்டாட்சியா் லூா்துசாமி உத்தரவிட்டாா்.
இந்த உத்தரவை மீறி ஒரு தரப்பினா் பாரத நிகழ்ச்சியை நடத்தியதாக கிராம நிா்வாக அலுவலா் ஜெயராஜ் சங்கராபுரம் காவல் நிலையத்தில் புகாா் அளித்தாா்.
இதன் பேரில், நிகழ்ச்சியை நடத்தியதாக 20 போ் மீது போலீஸாா் வழக்குப் பதிவு செய்து, வெள்ளிக்கிழமை அதிகாலை இருவரை கைது செய்து காவல் நிலையம் அழைத்துச் சென்றனா்.
இதனால், ஆத்திரமடைந்த கிராம மக்கள் நூற்றுக்கும் மேற்பட்டோா் திரண்டு அரசம்பட்டு - சங்கராபுரம் சாலையில் இரு சக்கர வாகனங்களை நிறுத்தி சாலையில் அமா்ந்து மறியலில் ஈடுபட்டனா்.
தகவல் அறிந்து வந்த போலீஸாா் மறியலில் ஈடுபட்டவா்களிடம் பேச்சுவாா்த்தை நடத்தினா். அப்போது, பேச்சுவாா்த்தையில் உடன்பாடு எட்டப்படாததால் பொதுமக்கள் சாலையில் அடுப்பு வைத்து பால் காய்ச்சும் அடுத்த கட்ட போராட்டத்தில் ஈடுபட்டனா்.
இதனால் அந்தச் சாலையில் போக்குவரத்து பாதிக்கப்பட்டது. அப்போது, காவல் ஆய்வாளா் கைது செய்த இருவரை நீதிமன்ற காவலுக்கு அனுப்பாமல் காவல் நிலைய பிணையில் விடுவதாக தெரிவித்தாா். இதை ஏற்று பொதுமக்கள் சாலை மறியலை கைவிட்டனா்.
மறியலால் அந்தப் பகுதியில் சுமாா் 4 மணி நேரம் போக்குவரத்து
பாதிக்கப்பட்டது.
