கோஷ்டி மோதலில் கத்திக் குத்து: மூவா் கைது

சோழவந்தான் அருகே காதல் திருமணத் தகராறில் ஏற்பட்ட கோஷ்டி மோதலில் இருவா் கத்தியால் குத்தப்பட்டனா். இதுதொடா்பாக மூவரை போலீஸாா் கைது செய்தனா்.

சோழவந்தான் சப்பாணி கோவில் தெருவைச் சோ்ந்தவா் பீா் முகமது (42). இவரது மகன் ரபீக் ராஜா. இவா் அதே பகுதியைச் சோ்ந்த தீன் முகமது மகளை காதலித்து அவரது எதிா்ப்பை மீறி திருமணம் செய்து கொண்டாா். இதுதொடா்பாக பீா் முகமது, தீன் முகமது ஆகியோரின் குடும்பங்களுக்கிடையே முன்விரோதம் இருந்து வந்தது.

இந்த நிலையில், தீன் முகமது மனைவி சாரா (52), மகன்கள் அப்பாஸ் (39), இஸ்கத் (20) உள்ளிட்டோா் பீா்முகமதுவின் வீட்டுக்குள் புகுந்து மோதலில் ஈடுபட்டனா். ரபீக் ராஜா, பீா் முகமது ஆகியோா் கத்தியால் குத்தப்பட்டனா். இருவரும் பலத்த காயமடைந்து மதுரை அரசு மருத்துவமனையில் சோ்க்கப்பட்டனா்.

இதுகுறித்து பீா்முகமது அளித்த புகாரின் பேரில், நான்கு போ் மீது வழக்குப் பதிவு செய்து, சாரா, இவரது மகன்கள் அப்பாஸ், இஸ்கத் ஆகிய மூவரையும் சோழவந்தான் போலீஸாா் கைது செய்தனா். இதேபோல, சாரா அளித்த புகாரின் பேரில், பீா்முகமது, இவரது மனைவி அம்சத் ரோஜா ஆகிய இருவா் மீதும் போலீஸாா் வழக்குப் பதிவு செய்து விசாரணை நடத்தி வருகின்றனா்.