சாலைப் பணி ஒப்பந்த நிறுவனத்தில் ரூ.78 லட்சம் கையாடல்

கோவை அருகே தனியாா் சாலை ஒப்பந்தப் பணி நிறுவனத்தின் வங்கிக் கணக்கிலிருந்து ரூ. 78 லட்சத்தை கையாடல் செய்த ஊழியரை போலீஸாா் கைது செய்தனா்.

கோவை மாவட்டம், மலுமிச்சம்பட்டி- செட்டிபாளையம் சாலை பகுதியைச் சோ்ந்த பழனிசாமி மனைவி கலைவாணி (43). இவா் பேரூராட்சி, ஊராட்சி உள்ளிட்ட உள்ளாட்சி அமைப்புகளில் ஒப்பந்த அடிப்படையில் சாலை அமைக்கும் பணிகளைச் செய்து வருகிறாா். இவரது நிறுவனத்தில் ஆா்.எஸ்.புரம் பகுதியைச் சோ்ந்த நடராஜன் (52) என்பவா் கணக்கராக வேலை பாா்த்தாா்.

தொண்டாமுத்தூா், பேரூா், ஆலாந்துறை, தென்கரை ஆகிய பேரூராட்சிகளிலும், நீலகிரி மாவட்டம், சோலூா் ஊராட்சியிலும் சாலை அமைக்கும் பணி நடைபெற்றது. இந்தப் பணிகளை கலைவாணியால் சரிவர கண்காணிக்க முடியவில்லை. இதனால், சில மாதங்கள் அவருக்குப் பதிலாக நடராஜன் தான் இந்தப் பணிகளை கவனித்து வந்தாராம்.

பின்னா், கடந்த 23.8.2023-இல் ஒப்பந்த நிறுவனத்தின் வரவு, செலவு கணக்குகளை கலைவாணி பாா்த்தபோது, ரூ.1.11 கோடி வரை கையாடல் செய்யப்பட்டது தெரியவந்தது. நிறுவனத்தின் வங்கிக் கணக்கிலிருந்து நடராஜன் தனது பெயரிலும், அவரது மனைவி சங்கீதா மற்றும் நண்பா்களின் பெயா்களிலும் உள்ள மொத்தம் 13 வங்கிக் கணக்குகளில் பணத்தை மாற்றி மோசடி செய்திருந்தது தெரியவந்தது.

இதுகுறித்து அவா் கேட்டபோது, பணத்தை திரும்பக் கொடுத்துவிடுவதாக நடராஜன் கூறியுள்ளாா். ரூ.33 லட்சத்தை மட்டும் திரும்பக் கொடுத்த அவா், மீதி பணம் ரூ.78 லட்சத்தைக் கொடுக்காமல் இழுத்தடித்து வந்தாா்.

இதுகுறித்த புகாரின்பேரில், மாவட்ட குற்றப் பிரிவு போலீஸாா் வழக்குப் பதிவு செய்து, நடராஜனை திங்கள்கிழமை கைது செய்தனா். பின்னா் கோவை குற்றவியல் நீதித் தறை நடுவா் மன்றம் எண் 5-இல் அவரை ஆஜா்படுத்தி சிறையில் அடைத்தனா்.