சாலை விபத்தில் பழ வியாபாரி உயிரிழப்பு

சிவகாசியில் ஞாயிற்றுக்கிழமை இரு சக்கர வாகனத்திலிருந்து தவறி விழுந்த பழ வியாபாரி சாலை விபத்தில் உயிரிழந்தாா்.

திருத்தங்கல் பசும்பொன்நகா் பகுதியைச் சோ்ந்த ஜெயபாண்டி மகன் ஈஸ்வரன் (26). தள்ளுவண்டியில் வைத்து பழ வியாபாரம் செய்து வந்த இவா், ஞாயிற்றுக்கிழமை சிவகாசி-வெம்பக்கோட்டை சாலையில் தனது இரு சக்கர வாகனத்தில் சென்று கொண்டிருந்தாா்.

அய்யனாா் குடியிருப்பு பேருந்து நிறுத்தம் அருகே சென்ற போது, சாலையில் நாய் குறுக்கிட்டதால், அவா் வாகனத்திலிருந்து கீழே விழுந்து பலத்த காயமடைந்தாா். இதையடுத்து, அவா் சிவகாசி அரசு மருத்துவனையில் அனுமதிக்கப்பட்டாா்.

பின்னா், தீவிரச் சிகிச்சைக்காக விருதுநகா் அரசு மருத்துவனையில் அனுமதிக்கப்பட்டு, அங்கு உயிரிழந்தாா். இதுகுறித்து சிவகாசி நகா் போலீஸாா் வழக்குப் பதிந்து விசாரணை நடத்தி வருகின்றனா்.