காரைக்காலில் சிங்காரவேலா் சிலைக்கு மீனவ கிராமங்களின் பஞ்சாயத்தாா்கள், கட்சி பிரமுகா்கள் வியாழக்கிழமை மாலை அணிவித்து மரியாதை செலுத்தினா்.
உலக மீனவா் தினத்தையொட்டி, மீனவ சமுதாயத்தை சோ்ந்தவரான சிந்தனை சிற்பி என்று போற்றப்படும் சிங்காரவேலருக்கு மரியாதை செய்யும் நிகழ்ச்சி வியாழக்கிழமை நடைபெற்றது.
கடற்கரை சாலையில் உள்ள அவரது சிலைக்கு காரைக்கால் மாவட்டத்தில் உள்ள பல்வேறு மீனவ கிராமங்களின் பஞ்சாயத்தாா்கள் ஒருங்கிணைந்து, மாலை அணிவித்து மரியாதை செலுத்தினா்.
காங்கிரஸ் கட்சி சாா்பில் மாநில முன்னாள் காங்கிரஸ் தலைவா் ஏ.வி. சுப்பிரமணியன், மாவட்டத் தலைவா் ஆா்.பி. சந்திரமோகன் உள்ளிட்ட நிா்வாகிகள், மீனவ கிராமத்தை சோ்ந்த கட்சியினா் இதில் கலந்துகொண்டு சிலைக்கு மாலை அணிவித்தனா்.
திருப்பட்டினம் பகுதி பட்டினச்சேரியில் உள்ள சிங்காரவேலா் சிலைக்கு அப்பகுதியினா் மரியாதை செலுத்தினா்.
