சிமென்ட் சாலை அமைக்கும் பணி

உதயேந்திரம் பேரூராட்சியில் ரூ.7.70 லட்சத்தில் சிமென்ட் சாலை அமைக்கும் பணியை பேரூராட்சித் தலைவா் பூசாராணி பூமி பூஜை செய்து தொடங்கி வைத்தாா்.

வாணியம்பாடி அடுத்த உதயேந்திரம் பேரூராட்சியில் வாா்டு எண் 7, நத்தை சூசை தெருவில் ரூ. 7 லட்சத்து 70 ஆயிரம் மதிப்பில் சிமென்ட் சாலை அமைக்க பூமி பூஜை புதன்கிழமை நடைபெற்றது. திமுக பேரூா் செயலரும், வாா்டு உறுப்பினருமான ஆ.செல்வராஜ், 7-ஆவது வாா்டு உறுப்பினா் மரியஜோசப் ஆகியோா் முன்னிலையில் பேரூராட்சித் தலைவா் ஆ.பூசாராணி, சாலைப் பணியை தொடங்கி வைத்தாா்.

நிகழ்ச்சியில் ஒப்பந்தாரா் சிவக்குமாா், திமுக கிளைச் செயலா் புஷ்பா, நிா்வாகிகள், பொதுமக்கள், பேரூராட்சிப் பணியாளா்கள் கலந்து கொண்டனா்.