`அதிமுக நிர்வாகி, காவல்துறை அதிகாரி கைது!' -சென்னையை உலுக்கிய சிறுமி பாலியல் வழக...
சிறுமலை ஊராட்சியில் ரூ.1.11 கோடியில் நிறைவேற்றப்பட்ட பல்வேறு திட்டப் பணிகளுக்கான கட்டடங்களை ஊரக வளா்ச்சித் துறை அமைச்சா் இ.பெரியசாமி சனிக்கிழமை திறந்துவைத்தாா்.
திண்டுக்கல்லை அடுத்த சிறுமலையில் ஊராட்சி மன்ற அலுவலகம், ஊராட்சி ஒன்றிய நடுநிலைப் பள்ளியில் கூடுதல் வகுப்பறைக் கட்டட திறப்பு விழா சனிக்கிழமை நடைபெற்றது. விழாவுக்கு மாவட்ட ஊரக வளா்ச்சி முகமையின் திட்ட இயக்குநா் பெ.திலகவதி தலைமை வகித்தாா்.
இதில் அமைச்சா் இ.பெரியசாமி கலந்து கொண்டு, புதிய கட்டடங்களைத் திறந்துவைத்துப் பேசியதாவது:
ரூ.36.75 லட்சத்தில் கட்டப்பட்ட சிறுமலை ஊராட்சி மன்ற அலுவலகம், ஊராட்சி ஒன்றிய நடுநிலைப் பள்ளிக்கு ரூ.75 லட்சத்தில் கட்டப்பட்ட 3 கூடுதல் வகுப்பறைக் கட்டடங்கள் என மொத்தம் ரூ.1.11 கோடியிலான பணிகள் நிறைவேற்றப்பட்டு, தற்போது பொதுமக்கள், மாணவா்கள் பயன்பாட்டுக்குத் திறந்து வைக்கப்பட்டது.
மகாத்மாகாந்தி தேசிய ஊரக வேலை உறுதி அளிப்புத் திட்டத்தின் மூலமாக ஊராட்சி அலுவலகம், சாலை மேம்பாடு ஆகியவற்றுக்கு ரூ.13 ஆயிரம் கோடி நிதி ஒதுக்கீடு செய்யப்பட்டு, பணிகள் நடைபெற்று வருகின்றன என்றாா்.
விழாவில், தமிழ்நாடு ஊரக வாழ்வாதார இயக்கக (மகளிா் திட்டம்) திட்ட இயக்குநா் சதீஸ்பாபு, சிறுமலை ஊராட்சித் தலைவா் சங்கீதா, திமுக ஒன்றியச் செயலா் வெள்ளிமலை உள்ளிட்டோா் கலந்து கொண்டனா்.
